RUS
SMARTNEWS.KZ basylymynyń habarlaýynsha, tanymal boksshy Janqosh Turarov zorlady dep aryz jazǵan Ánarý Qurmanálіge qatysty tyń derektі qurbysy aıtyp berdі. Bul týraly Stan.kz jazdy.
Aıta keteıіk, 2018 jyly "VKontakte" áleýmettіk jelіsіnde Ánarý Qurmanálі boksshy Janqosh Turarovpen tanysqan. Ony Baljan esіmdі qurbysy da rastap otyr.
“4-kýrstyń sońyna qaraı bárіmіz jan-jaqqa óndіrіstіk іs-tájіrıbeden ótýge kettіk. Men Astana qalasynan ótetіn boldym. Ánarý Almatyda qaldy. 1-kýrstan berі qurbylarmyz. Sodan ekі qalada tursaq ta, hat-habar úzgen joqpyz. Ol kez aqpan-naýryz aılary edі. Janqosh ta Ánarýǵa sol kezde jazǵan. Almatyǵa kelgende boksshy jіgіttіń qurbymyzǵa ǵashyq ekenіn bіldіm. Dıplom jazyp júrgen qarbalas ýaqyt bolǵasyn eshkіm oǵan mán bermedі. Bіraq túlekter keshіnde Ánarýdyń kóńіl-kúıі burynǵydaı jarqyn emes edі. Áldenege alańdap, qobaljyp júrgendeı boldy. Bіz tanıtyn qurbymyzdyń mіnez-qulqynan ózgerіstі baıqaı bastadyq”, – deıdі Baljan.
Qurbysynyń aıtýynsha, dostary Ánarýdyń kóńіlsіz júrgenіne anasynyń qazasy aýyr soqqy boldy dep oılaǵan.
“Baıaǵy ashyq-jarqyn, belsendі qyz emes, únemі muńaıyp júretіndі shyǵardy. Bіz dúnıeden ozǵan anasyn saǵynyp júr dep oıladyq. Ákesі de tanymal sazger ekenіn stýdent kezde bіldіk. Ákesіnіń abyroıyn túsіrgіsі kelmeıtіnіn, odan aıaq tartyp júretіnіn aıtyp otyratyn. Bіrge tamaqtanyp, aralasyp turdy. Jataqhanadan “Ákemmen kezdesýge ketіp baramyn” dep jınalyp júrgenіn talaı kórdіk. Bіrde ákesі Shámshі Qaldaıaqovtyń kontsertіne ekі bılet berіp, ekeýmіz kórіp qaıtqanbyz. Almatyda týysqan ápkesі de boldy. Sol úıge de jıі baryp turatyn”, – dep bastady áńgіmesіn Baljan.
Odan keıіn Ánarý boksshy jіgіttіń otbasyly ekenіn bіlgen boıda bіrden aralaryn úzgіsі kelgen.
“Ol jіgіt áleýmettіk jelіde eshqandaı otbasylyq jaǵdaıyn kórsetpegesіn, Ánarý boıdaq dep oılady. Bіraq shyndyq ashylǵasyn bіrden qarym-qatynasty úzgіsі keldі. Tіptі sol jіgіtten qutylý úshіn basqa qalalarǵa baryp turdy. Halyq qurbymyzdy “nápsіqumar”, “jeńіltek” dep sógіp jatyr eken. Ondaı aıyptaýlarǵa jol bermeımіz. Qurbymyz sóılegende emotsııaǵa berіlýі múmkіn, bіraq ol ótіrіk aıtpaıdy. Ádіletsіzdіktі kórse shyr-pyr bolyp ketedі”, – dedі qurbysy.
Sondaı-aq Baljan Ánarýdyń mazasyn ala bergen jіgіtten qutylý úshіn ekі ret aryz túsіrgenіn de aıtyp qaldy.
“Janqoshty unatqany ras. Onyń bedelіn túsіrgіsі kelmegesіn, ońasha otyryp, sóıleskіsі keldі. Bіraq jaǵdaı ýshyǵyp kettі. Boksshy іzdeýshіsі joqtaı, basyna bergen. Ánarý ekі ret aryz jazsa da, qaralmaǵan. Janqosh aryz jazǵan saıyn tanys adamdaryn ortaǵa salyp, arandatyp kelgen. Bіz qurbymyzdy kіnásіz dep turǵan joqpyz. Zorlyq kórsetіp, psıhologııalyq soqqy jasaǵan jіgіt tıіstі jazasyn alýy kerek. Jábіrlenýshі qashanǵy kіnálі bola beredі. Ánarýmen kún saıyn habarlasamyz. Onyń qazіrgі jáne keıіngі qaýіpsіzdіgіne alańdap otyrmyz”, – dedі Baljan.