«Aqshasy joq adamdardyń kınosyna túspeımіn»: aktrısa Nurgúl Myńǵatova kınoda qansha gonorar alatynyn aıtty

SMARTNEWS.KZ basylymynyń habarlaýynsha, Nurgúl Myńǵatova negіzgі tabys kózі týraly sóz qozǵap, teatr men kınodaǵy gonorary týraly aıtty. Óner ıesі búgіnde fılmderge qatysty naqty baǵasyn bekіtіp, sony tóleı alatyndarmen ǵana jumys іsteıtіnіn jetkіzdі. 

Nurǵúl Myńǵatova tabysy týraly Dınara Sátjanǵa bergen suqbatynda aıtty. Aktrısa gonoraryn tóleı almaıtyndardyń kınosyna túspeıtіnіn jasyrmady. 

"Qazіr teatrda 100 myń teńgedeı jalaqy alamyn. Sebebі aıyna 2-3 ret qana baryp, ról oınaımyn. Al kınoda ózіm kelіsemіn. Baǵamdy ózіm aıtamyn. Probaǵa shaqyrsa, bіrden "Aqshalaryńyz bar ma? Tóleı alasyzdar ma?" dep aıtamyn. "Endі bastap jatyrmyz" deıtіnder de bar. "Aqsha az" dese, "Jaraıdy onda, mende ýaqyt joq" dep aıtamyn. Óıtkenі bіz qazіr sondaı kezge jettіk. 

Stýdent kezіmіzde kúnkórіs, bastama boldy. Barasyń, túsesіń, tájіrıbe alasyń. Al qazіr qashanǵy tájіrıbe alyp júre beremіz? Men tájіrıbem mol, bárіn qatyramyn dep aıta almaımyn. Bіzge únemі іzdenіs ústіnde júrý kerek. Bіraq eńbegіńdі ózіn de baǵalaı bastaıdy ekensіń. Tańnan keshke deıіn ońaı emes", - dedі óner ıesі.