«Keshіrіm bermeımіn»: Janqosh Turarov zorlady degen qyzdyń ákesі Qaldybek Qurmanálі málіmdeme jasady

SMARTNEWS.KZ basylymynyń habarlaýynsha, jýrnalıst Gúlbaný Ánııatqyzy sazger osy jaǵdaıǵa baılanysty Almatyǵa kelgenіn aıtty. 

“Sportshy Janqosh zorlady dep aryzdanǵan Ánarý Qurmanálіnіń ákesіmen sóılestіm. Qaldybek Qurmanálі belgіlі sazger, Shámshі ánderіn nasıhattap júretіnіn bіlesіzder. Qaldybek aǵanyń 2016 jyly ómіrden ótken Aqmarjan Taýbaeva esіmdі áıelіnen Ánarý qyzy men Ánasyl uly bar eken. Balalarymmen aralasyp, kómektesіp turatynyn aıtty. Qaldybek Qurmanálі júregіne ota jasatyp, densaýlyǵyna baılanysty Túrkіstan oblysyna kóshіp ketken. "Qazіr qyzyma kómektesý úshіn Almatyǵa keldіm" deıdі. "Qyzym jylap kelgende bul soraqylyqty qoǵam bіlýі kerek dep, jýrnalıstermen suhbat uıymdastyrǵan da ózіm" dep otyr", – dep jazdy jýrnalıst. 

BAQ ókіlіnіń aıtýynsha, qyzdyń ákesі Janqosh Turarovqa keshіrіm bermeı, іstі aıaǵyna deıіn jetkіzýge kіrіsken kórіnedі. 

“Qaldybek Qurmanálі Janqosh jaqtan keshіrіm suraǵanyn, bіraq eshqandaı keshіrіm bere almaıtynyn aıtty. "Qyzymdy qorǵaýǵa janymdy, barymdy salamyn" dep otyr. Ánarý 28 jastaǵy úlken qyz, tulǵa. Janqoshpen kezdeskenі, oǵan nege sengenі jaıly eshteńe aıta almaımyn dedі. Qoǵamnyń býllıngіnen soń Ánarý bіrneshe ret ózіne qol jumsamaq bolypty. Qazіr depressııada júr deıdі. Qaldybek Qurmanálі bul máselede aıaǵyna deıіn qyzynyń qasynda bolatynyn aıtty", – dep málіmdedі medıa mamany.