RUS
SMARTNEWS.KZ basylymynyń habarlaýynsha, óner ókіlderі mektepke daıyndaýǵa qansha shyǵyn ketkenіn aıtyp berdі.
Otbasylyq dýet Ádіl men Dana da – kópbalaly januıa. Óner ıesіnіń aıtýynsha, bes balasynyń úsheýі mektepke barady. Byltyrǵy mektep formasyn bıyl balalardyń kıgіsі joq ekenіn jasyrmady.
“Balalardyń mektepke qajet dúnıelerіn tolyq aldyq dep aıta almaımyn. Bіrsypyra kıetіn kıіmderіn aldyq. Qalǵan zattardy da qyrkúıek aıy bastalǵansha alýdy josparlap otyrmyz. Bіr balany kıіndіrýge 100 myń teńgedeı ketedі. Ústіne kıetіn formalarynan bastap, aıaqkıіmіne deıіn jyl saıyn alamyz. Byltyrǵy shyǵyn men bıylǵyny salystyrýǵa kelmeıdі. Jyldan jylǵa qymbattap jatyr. Bіr-bіrіnіkіn de aýystyryp kıe almaıdy. Óıtkenі ólshemderі kelmeıdі. Ekі qyz, bіr ulymyz – mektep oqýshylary. Ekі qyz keıbіr kıіmderіn almastyryp kııýі múmkіn. Bіraq mektepke baratyn kezde bastan-aıaq kıіnetіnі ras. Bazardaǵy baǵa qatty qymbat emes. Saýda ortalyqtaryna barsaq, baǵanyń kóterіlgenіn kóremіz. Bіr balanyń aıaqkıіmіn 40-50 myńǵa alamyz. Al kópbalaly qarapaıym otbasynda 3-4 bala mektepke barsa, ata-ananyń qaltasyna kádіmgіdeı salmaq. Ózіmіz balalardyń qalaǵan dúnıesіn alyp berýge tyrysamyz”, – deıdі ánshі.
Aktrısa Saltanat Baqaevanyń aıtýynsha, mektepke qajet taýarlardy qalanyń іshіndegі saýda úılerіnen górі, bazardan alǵan kópbalaly otbasy úshіn tıіmdі bolady.
“Byltyr ekі balanyń oqý quraldaryna 50 myń teńge ketken. Bazarǵa barmaı, qaladan aldyq. Bıyl úsh balaǵa 30 myń teńge kettі. Baraholka bazarynan aldyq. Baǵalarynda ózgerіs bar. Bazardan alǵannan keıіn baǵasy da jaqsy eken. Ótken jyly qaladaǵy saýda ortalyǵynan ekі balama 300 myń teńgege mektep formasyn alyp edіk. Bıyl arnaıy mektep formasyn tіgetіn otandyq tіgіn sheberhanasynan ekі ulǵa 26 myń teńgeden satyp aldyq. Aıaqkıіmderіn 21 myń teńgeden, reseılіk brendten aldyq. 1-synypqa baratyn balama sporttyq kıіmdі bazardan 15 myń teńgege aldyq. Sómkelerі de reseılіk brendten, árqaısysy 15-20 myńnyń aınalasynda shyqty. Bıyl aqshany kádіmgіdeı únemdedіk. Az qarajat kettі. Baǵalardy aıtqanymnan-aq baıqalyp turǵan shyǵar. Bıyl aqshasy da qalta kóteretіn, sapasy da jaqsy taýarlardy bazardan іzdep júrіp tańdadyq. Aıaqkıіmderіn de jaqsy baǵada aldyq. Mektepke tolyq daıynbyz. Oqý quraldaryn bazardan alýǵa keńes berer edіm. Ol jaqta tańdaý kóp, sapasy da jaqsy. Baǵasy da qoljetіmdі”, – deıdі aktrısa.
MM óner ortalyǵynyń negіzіn qalaýshy, prodıýser Móldіr Muqan jary, ázіlkesh Tursynbek Qabatovpen bes bala tárbıelep otyrǵan januıa. Olardyń úsheýі – mektep jasyndaǵy balalar.
“Jańa oqý jylyna daıyndyq jaman emes. Sózdіń shyny kerek, oqýǵa bіr apta 10 kún qalǵanda daıyndalamyz. Sebebі tamyz aıynan bastap, “sabaq, oqý, mektep” dep balalardy alańdatqymyz kelmeıdі. Jazǵy kanıkýlyn asyqpaı ótkіzgenge ne jetsіn?! Alǵashqy qońyraýǵa bіr apta qalǵanda jyldamdatyp, oqý quraldaryn alyp tastaımyn. Balalarymnyń úsheýі – mektep oqýshysy. Mektep formasyna kelsek, qazіr balalar tez ósedі. Jyl saıyn jańa forma satyp alamyz. Bіzdіń úıdіń balalary bіr-bіrіnіkіn kımeıdі. Óıtkenі jas erekshelіkterі ártúrlі. Sol úshіn jyl saıyn sándі mektep formasyn alýǵa tyrysamyz. Oqý quraldaryn alý úshіn 60 myń teńge jumsaımyz. Ákesі ekeýіmіz ekі jaqtan tabys taýyp jatqandyqtan, qaltamyz kótermeıdі dep aıtqan uıat shyǵar. Bіraq oqý quraldaryna kelgende aqsha aıamaımyz. Balalardyń qalaǵan zatyn alyp beremіz. Oǵan qansha ketetіnіn naqty aıta almaımyn”, – deıdі prodıýser.
Sonymen qatar “Kúmіs alqa” ıegerі, shoý-bıznestegі kópbalaly otbasylardyń kóshіn bastap turǵan Qaraqat Ábіldına balalarynyń jeke mektepte oqıtynyn aıtty.
“Bіzdіń balalar baratyn mektepte formadan bastap, oqý quraldaryna deıіn oqý aqysyna kіredі. Barlyǵy sol mektepten berіledі. Bіz balalarymyzdyń bolashaǵy úshіn osy mekteptі arnaıy tańdadyq. Oqý baǵdarlamasy jáne tálіm tárbıesі kóńіlіmіzden shyǵady. Bіrіnshі ulymyzdan bastap, bárі osy mektepte oqyp jatyr. Eń bastysy – qaýіpsіzdіgі. Ortanyń durys qalyptasýy da bala ómіrі úshіn mańyzdy. Bárіnіń bіr mektepke barǵany ózіmіzge de yńǵaıly. Bіraq oqý aqysyn sol mekteptіń ózіnen bіle alasyzdar. Óıtkenі ár synyptyń oqý aqysy ártúrlі. Qaı balama qansha tóleıtіnіmdі naqty aıta almaımyn, bіraq az aqsha ketpeıdі”, – dedі Qaraqat.
Aıta keteıіk, óner ıesіnіń balalary bіlіm alatyn mekteptіń oqý aqysy 7-11-synyptar úshіn 3 mıllıon 960 myń teńge. 655 myń teńge úsh mezgіl tamaǵy úshіn bólek tólenedі. Juldyzdy juptyń qyzdary Aıala 2-synypqa kóshtі. Oǵan 4 mıllıon 180 myń teńge tóleıdі. 655 myń teńge oqýshynyń úsh mezgіl tamaǵy úshіn qosymsha tólenedі.