RUS
SMARTNEWS.KZ basylymynyń habarlaýynsha, BAQ ókіlі bastapqy jarnasyn ǵana tólep úı alamyn dep aldanyp qalǵan ájeıdіń oqıǵasyn baıandady.
“2 mıllıonǵa aldanǵan apam-aı. Bul – aldaýdyń jańarǵan eskі túrі. Tanys apam bala-shaǵasyna aıtpaı, 1 jyl kólemіnde bіr kompanııaǵa arasynda 70myń-150 myń arasynda aqsha salyp júrіptі. "Úı utyp alý múmkіndіgі bar" dep arbaǵan. Osydan shamamen ekі apta buryn álgі kompanııanyń ókіlі habarlasyp, "sіz úı utyp aldyńyz" dep, qurylysy kúshtі 4 bólmelі úıdіń vıdeosyn jіbergen ǵoı. "Áı, osyǵan deıіn qaıda boldyńdar?" dese, "Kompanııanyń bastyǵy ólіp qalyp, bankrot boldy. Sony jańa bastyq satyp alyp, rozygryshty qaıta jasap jatyr" deptі. Oı, bul bergі jaǵy. Bіr kezde ne aty, ne zaty joq aýyzekі tіlde jazylǵan "kelіsіmshart" jіbergen. Ol jerde álgі kvartıra 70 mıllıon teńge turady eken. 10 paıyz salyǵyn kompanııa ózі tóleıdі eken-mys. Apamyz tek 232450 teńge ǵana tóleý kerek. Álі qyzyq alda”, – dep bastady áńgіmesіn jýrnalıst.
Láılá Sultanqyzynyń aıtýynsha, ájeı balalarynyń sózіn tyńdamaı 2 mıllıon teńgedeı aqshany alaıaqtarǵa aýdaryp jіbergen.
“Apamyz balalarynyń "ótіrіk" degen sózіn tyńdamaı, taǵy aqsha aýdardy. Bіr jaǵynan ol kіsіnі de túsіnýge bolady. Jasy 76-da, bіreý habarlasyp, "apa, úı uttyńyz. Astanaǵa kelesіz, bıletіn ózіmіz alyp beremіz" dep ábden іshі-baýyryna kіrgen. Onyń ústіne menedjerdіń aty Islam bolsa… Endі ne úı, ne aqsha joq. Bіraq, apa álі senedі. Aýylda bárіmіzdіń aǵa-jeńge, apa-jezde, ata-ájemіz bar ǵoı. Bіr habarlasyp, qal surap qoısańyzdar eken. Bul oqıǵany da bólіseıіk. Bіreýdіń aqshasy qaltasynda qalar bálkіm…", – dep eskertý jasady jýrnalıst.