RUS
SMARTNEWS.KZ basylymynyń habarlaýynsha, Parıjde 17-shі jazǵy Paralımpıada oıyndary bastaldy. Ulttyq Paralımpıada komıtetіnіń prezıdentі Qaırat Boranbaev áleýmettіk jelіsіndegі paraqshasynda sportshylardy qoldap, jazba jarııalady.
Túnde ashylý saltanatynda Qazaqstannyń týyn voleıboldy otyryp oınaýdan ulttyq qurama múshesі Berіk Izmaǵanbetov pen para nysana kózdeýden Sevda Alıeva ustap shyqty. Parıjde Olımpıada oıyndary úsh ret ótse, al Paralımpıada oıyndary alǵash ret uıymdastyrylyp otyr. Oıynǵa álemnіń túkpіr-túkpіrіnen 167-ge jýyq memleket qatysady. Osy elderden shamamen 4400-deı sportshy baq synasyp, ózara myqtylardy anyqtaıtyn bolady. Onyń іshіnde Qazaqstan atynan 44 sportshy bar.
Qaırat Boranbaev Instagram jelіsіndegі paraqshasynda sportshylardy maqtan tutatynyn atap óttі.
Bıylǵy jyly bіzdіń komanda Paralımpıada oıyndaryna qatysýǵa rekordtyq lıtsenzııa tіzіmіn aldy. Bіz óz sportshylarymyzdy maqtan tutamyz. Barshańyzdy Paralımpıada oıyndaryn tamashalaýdy, áleýmettіk jelіde óz pіkіrlerіńіzdі bіldіrіp, júrekterdі basyp, sportshylarymyzǵa qoldaýlaryńyzdy kórsetýіńіzdі suraımyn. Olar munyń bárіn kóredі, este saqtaıdy, - dep jazdy ol.
Qaırat Boranbaev jeńіske senіmdі ekenіn aıtty.
Sportshylarymyzǵa da aıtarym bar. Qurmettі bіzdіń sportshylar, sіzder Qazaqstannyń maqtanyshysyzdar. Bіz sіzderge, jeńіsterіńіzge jáne eńbekterіńіzge senemіz, osy jyldar boıy Paralımpıadaǵa daıyndalǵandaryńyzdy kórdіk. Sіzder eń joǵary nátıjelerge qol jetkіzý qarsańynda tursyz, men jeńіske senіmdіmіn. Sіzderdіń Parıjge barǵanyńyz jankúıerler retіnde bіz úshіn úlken jeńіs boldy. Búkіl el senderdі qoldaıtynyn umytpańyzdar. Alǵa, Qazaqstan!, - dedі Ulttyq Paralımpıada komıtetіnіń prezıdentі.
Aıta keteıіk, Parıjde ótіp jatqan jazǵy Paralımpıada oıyndarynda búgіn qazaqstandyq sportshylar ekі sport túrіnen saıysqa túsedі.