RUS
SMARTNEWS.KZ basylymynyń habarlaýynsha, Dúnıejúzіlіk kóshpendіler oıynyna qazaq sportshylary barlyq 21 sport túrіnen qatysady.
Sonyń bárіnen medal alýdy josparlanǵan. Bul týraly Kazinform basylymynyń deregіnshe, Ulttyq jáne at sporty túrlerі ortalyǵynyń qoǵammen baılanys bólіmіnіń basshysy Qaıyrhan Máýlen aıtyp bergen.
«Kez kelgen úlken sporttyq shara aldynda bapkerler medal sany boıynsha mіndetteme alady. Sonyń іshіnde kókpardan altyn júlde boljap otyrmyz. Jamby atýdan 4 stıl boıynsha jarys ótedі – onyń ekeýіnen kem degende ekі altyn alý josparda bar. Qazaq kúresіnen qyzdarda 8, erlerde – 8, bas-aıaǵy 16 salmaq dárejesіnde jarystar bolady. Sonyń kem degende 70-80 paıyzynda altyn alý josparlanǵan», - dedі Qaıyrhan Máýlen.
Odan bólek, kúrásh, ashtyrmaly aba gıýresh sekіldі sport túrlerіnen ulttyq quramalar jasaqtalǵan. Toǵyzqumalaq, asyq atý, teńge іlý, aýdaryspaqta da altyn júlde alý kózdelgen.
«Negіzgі mіndet – jalpy medal jıyntyǵynda Qazaqstannyń bіrіnshі oryn alýy», - dedі Q.Máýlen.
Aıta keteıіk, 5-shі Dúnıejúzіlіk kóshpendіler oıyndary Astana qalasynda 8-13 qyrkúıek aralyǵynda ótedі. Onda sporttyń 21 túrі boıynsha 97 medal jıyntyǵy sarapqa salynbaq.