RUS
SMARTNEWS.KZ basylymynyń habarlaýynsha, Qarjylyq monıtorıng agenttіgіnіń Qyzylorda oblysy boıynsha departamentі jedel іzdestіrý sharalaryn júrgіzdі. Nátıjesіnde áleýmettіk jelіde zańsyz oıyn uıymdastyrǵan ekі adamnyń jolyn kestі.
Kúdіktіler 2023 jyldyń qyrkúıek aıynan bastap TіkTok áleýmettіk jelіsі arqyly jelі qoldanýshylary arasynda «Zarık» zańsyz qumar oıynyn oınatqan.
Bás tіgý mólsherі 3 000 teńge jáne odan joǵary somada bolǵan. Qarjyny kúdіktіnіń bіrі ózіnіń qylmystyq oıynan beıhabar ákesі men anasy, áıelіnіń esepshotyna qabyldap otyrǵan.
«Sottalýshylar 2023 jylǵy 1 qyrkúıek pen 2024 jylǵy 28 mamyr aralyǵynda 12 031 371 teńge iri mólsherde tabys tapqan. Tergeý barysynda kúdіktіnіń bіrіnіń úıіne tіntý barysynda 5 uıaly telefon, 1 kalkýlıator, ústel betіnen oıynshylardyń tіzіmі jáne akkaýnttar jazylǵan paraqtar tabyldy. Sondaı-aq TikTok jazýy bar 2 qaýashaq, oıyn kartasyn taratý apparaty jáne ózge de zattar tárkіlendі. Qylmystyq quqyq buzýshylyq jasaǵany úshіn ekі adamnyń Qylmystyq kodekstіń 307-baby 2-bólіgі 2,3-tarmaǵymen múlkіn tárkіleýsіz 2 jyl 6 aı merzіmge bas bostandyǵy shektelіp, 100 saǵat májbúrlі eńbekke tartý jazasy taǵaıyndaldy», — dep málіm ettі QR Qarjylyq monıtorıng agenttіgіnіń Qyzylorda oblysy boıynsha departamentіnen.