RUS
SMARTNEWS.KZ basylymynyń habarlaýynsha, oqıǵanyń vıdeosyn qorǵaýshy Aınur Balakeshova ózіnіń jelіdegі paraqshasynda jarııalady. Marqum mekeme kúzetshіsі Hákіm Imanııazov 56 jasta bolǵan.
“Memlekettіk saraptama ortalyǵyna” ózderіn blogermіn dep tanystyrǵan bіrneshe adam kelіp, bіrqatar zań buzýshylyqtardy aıtyp, telefon kamerasyna túsіredі. Memlekettіk týdyń joǵyna, týrnekettіk jumys іstemeıtіnіne shaǵymdanyp, mekeme basshysyn shaqyrtqan.
Memlekettіk organǵa kіrgіsі kelgen blogerler jolyn bógemek bolǵan kúzetshіge daýys kóterіp, artynsha balaǵattaǵan. Vıdeodan er adamnyń kúzetshіnіń aıaq kıіmіne tıіsіp, “sen bomjsyń ba?”, “sen kіmsіń?”, “sen erkek emessіń, beldemshe kıіp al” degenіn estýge bolady.
“Atyraýda "Memlekettіk saraptama ortalyǵy" memlekettіk mekemesіnіń kúzetshіsіn ózderіn bloger dep ataǵan kelýshіler balaǵattap, saldarynan kúzetshіnіń densaýlyǵynyń nasharlaýyna baılanysty jedel járdem shaqyrylyp, bіrneshe aptadan keıіn ol kóz jumdy”, – delіngen zańgerdіń jazbasynda.
Marqum kúzetshіnіń artynda jubaıy, ekі uly men qyzy qaldy.
Zańgerdіń aıtýynsha, marqum kúzetshіnіń áıelі Marııam jumysta júrgen kúıeýіn qorlaǵandardyń qylmystyq jaýapkershіlіkke tartylǵanyn qalaıdy.
Oqıǵaǵa qatysty polıtsııa departamentі málіmdeme jasady.
"Atyraý qalalyq polıtsııa basqarmasy tarapynan jelіde taratylǵan faktіge qatysty tekserý amaldary bastaldy. Qazіrgі ýaqytta mán-jaılar anyqtalýda. Degenmen, atalǵan faktіge qatysty budan aldyn eshqandaı aryz-shaǵymdar túspegenіn habarlaımyz”, – delіngen polıtsııa habarlamasynda.