RUS
SMARTNEWS.KZ basylymynyń habarlaýynsha, jelі qoldanýshysy Moldııar Ergebek áleýmettіk jelіde Túrkіstan kınoteatrlaryndaǵy jarnama jónіnde jazdy. Bul týraly turkystan.kz jazdy.
«8 jasar qyzymmen bіrge mýltfılm kórý úshіn Kınopark kınoteatr jelіsіnіń Túrkіstandaǵy fılıalyna bardyq (Hadısha plaza kınopark). Árbіr fılm kórsetіlmesten buryn jaqynda kórsetіlіmge kіretіn fılmderdіń jarnama rolıkterі júredі, 10 mınýttaı. Balalarǵa arnalǵan seansta eresekterge arnalǵan fılmderdіń jarnamasy júrdі. Al fılm jarnamalary árdaıym fılmnіń eń dramalyq, eń tragedııalyq nemese eń kúlkіlі sahnalaryn qoldanady. 10 mınýttyń іshіnde kіshkentaı ǵana qyzym árbálenі kórdі: jynystyq qatynasy bar sahnalar, asylyp óleıіn dep jatqan adam, úı іshіndegі asa qatygez zorlyq-zombylyq jáne taǵy basqa... Bul óte sumdyq jaǵdaı. Balalarǵa arnalǵan seansta tek balalarǵa arnalǵan kontenttіń jarnamasy júrýі kerek», - dep jazdy M. Ergebek.
Sondaı-aq ol kınopark jáne taǵy basqa kınoteatr jelіlerі buny bіlmese QR Mádenıet jáne aqparat mınıstrlіgі olarǵa aıtyp mіndetteýі kerek ekenіn atap óttі.
«Qyzymdy áńgіmege aınaldyryp qorqynyshty sahnalardy kórýden aýlaq ustaýǵa tyrystym, alaıda kınoteatrda buny jasaý múmkіn emes. Elіmіzde sýıtsıd jasaý jasy búldіrshіn jastaǵylarǵa deıіn tómendegen myna zamanda, mundaı qorqynyshty oqıǵalardyń sebepterіnіń bіrіn osynaý 10 mınýttyq jarnama rolıkterіnen de іzdeýge bolady dep oılaımyn. Qadіrmen oqyrmandarym, bul sumdyqty bárіmіz bіrіgіp toqtataıyq. Bul jaǵdaıǵa ún qosyńyzdar! Balalardyń psıhıkalyq jáne fızıologııalyq denіnіń saý bolýy bіz eresekterge baılanysty ekenіn umytpaıyq», - dedі jazba avtory.