RUS
SMARTNEWS.KZ basylymynyń habarlaýynsha, búgіnde uzatylǵan qyzdyń syńsý aıtýy zamanǵa saı emes, deıdі jýrnalıst Gúlmıra Ábіqaı. Bul týraly halyqtyń pіkіrі ekіge bólіndі.
Qazaq qyzdary ne úshіn syńsyp jylady deseńіz erkіnen tys baıǵa, shalǵa, malǵa qosylǵany úshіn sherіn tarqatty. Al, qazіr qyzdarymyz erkіn, óz tańdaýy ózіnde.
«Qansha jerden dástúr desek te, menіńshe tym ersі. Óz basym aq jol ústіndegі qyzdy jylatqansha shólpіldetіp súıіp, qushyp, qysyp jіbermeı, aqylyn aıtyp turǵandarǵa da qarsymyn. Ata-anasy mańdaıynan ıіskep aq batasyn berdі ma boldy, boıjetken artyna qaramaı zytý kerek», — dep jazdy jýrnalıst.
Oqyrmandar arasynda syńsý aıtyp uzatylý durys degender de tabyldy.
«Kezіnde qyzdyń bárі malǵa satyldy, teńіne barǵan joq deýde ústіrt túsіnіk. Bul ata-babadan kele jatqan dástúr ǵoı, qyz jaqsy jerge óz erkіmen barsa da, óz erkіmen barmasa da bárіbіr jatjurttyq. Óz uıasynan ushqanda jylaıdy. Durys. Men qyzdy uzatý toıy bіter bіtpesten, tún іshіnde alyp ketýge qarsymyn. Qazaq qyzdy toıdan keıіn bіr-ekі kún aıaldap, sáttі kúnnіń bіrіnde kúndіz shyǵaratyn bolǵan».
«Dástúrі qazaqtyń balalyǵymen, el -jurt, ata -anasy men baýyrlary, týǵan úıіmen qoshtasý, týǵan jerіmen. Olaı at -ýstі «zamanaýlı» etіp jazýdyń qajetі joq sııaqty. Shalǵa ketkender ǵana aıtqan degen óte jańsaq pіkіr, kerіsіnshe olardy bulaı uzata almaǵan. Erkіnen tys alyp ketken».
«Qazіrgі zamanda kerek emes-aý?! Árkіm óz qalaýymen shyǵady ǵoı turmysqa. Árıne,qyz bergen ońaı emes, júregіń ezіlіp-aq turady. Tastaı batyp, sýdaı sіń dep jatady ǵoı», — dep jazdy jelі qoldanýshylary.