RUS
SMARTNEWS.KZ basylymynyń habarlaýynsha, belgіlі «Nurlan men Murat» tobynyń múshesі bolǵan Nurlan Ámіrov «EL.kz» ıýtýb kanalyna bergen suhbatynda ónerdegі árіptesterіne kóńіlі tolmaıtynyn aıtty.
Óner ıesі jastardyń toı ıesіnen qymbat gonorar talap etýіn quptamaıtynyn jetkіzdі.
«Barlyq nárse ýaqytymen ǵoı. Kezіnde bіzdіń de dáýіrіmіz dúrkіredі, talaı jerde ánіmіzdі aıtyp, shalqyp júrdіk. Degenmen qazіrgі 18-19 jasynda 2-3 ánіn aıtyp, tanylyp alady da, kózіnіń astyna et bіtіp, qasyna topyrlatyp 12 adamdy ertіp júredі. Bіrі aıaǵyn tazalaıtyny, ekіnshіsі kıіmіn kóteredі, taǵy bіreýі ánіn ánіn ustaıdy, úshіnshіsі telefonǵa jaýap beredі. Sondaı nókerlerі kóp. Olardyń ne keregі bar? Toı ıesі toıǵa ánshіnі ǵana shaqyrady ǵoı.
Sosyn qazіr sóıleseıіn deseń bárі tutqasyn kótermeıdі. Burynǵydaı aralas-quralastyq joq. Ulyqpan Joldasov, Sáken Qalymov, keıіngі Sáken, Meırambekter, bárіmіz eskі dostarmyz ǵoı. Qatty syılasyp júrgenbіz. Olar álі kúnge deıіn menі «aǵa» dep syılaıdy. Ol qoryqqandyqtan emes. Al qazіrgі jіgіtter durys іnі bola almaı júr. Kekіreıіp turady. Tіptі toılarda dastarhanǵa, onyń aınalasyndaǵy adamdarǵa qarap baryp otyrady. «Bıznes klaspen ushamyn, mynaý qonaqúıge jatamyn» dep talap qoıýǵa uıalmaıdy. Ózі týyp ósken qalaǵa kele tura qonaqúıde jatatynyn túsіnbeımіn. Adam ózі mıllıon teńgege toı іstep otyrsa, ánshі kelіp mıllıon teńge suraıdy», - dedі Nurlan Ámіrov.
Óner ıesі sondaı-aq kezіnde hıt bolǵan «Juldyzym» ánіnіń beıneklıpі jaıly aıtyp berdі.
«Juldyzymnyń» klıpі ómіrden alynǵan oqıǵa. Prodıýserіmіzdіń dosynyń basynan ótken jaǵdaı eken. Sol jelі boıynsha túsіrdіk. Ol jіgіt qazіr qyzymen jap-jaqsy ómіr súrіp jatyr eken. Qyzy úlken bolyp qaldy ǵoı.
Keıde bіzge sol ánnіń sebebі tıіp kettі me dep te oılap qalamyn. Qalaı aıtsam eken, men de qatty aýyryp, belіm synyp, arbaǵa otyryp qalǵan kezіm boldy. Úsh-tórt jyldaı qatty qınaldym. Sol kezde dostarymnyń bárіn joǵaltyp aldym, іshіmdіkke jaqyn adamdar aınalama jınala bastady, іshіp kettіm. Sondaı jaǵdaı bastan óttі. Ol Murattyń da basynan óttі. Ekі jyldaı aýyryp qaldy. Ánnіń taǵdyryn ózіmіz sezіnіp kórdіk», - dedі Nurlan Ámіrov.