«Páterge tóleıtіn aqshasy bolmaǵan»: Astanada taksı júrgіzýshіsі tórt balasymen kóshede qalǵan áıelge baspana tabýǵa kómektestі
Quqyq qorǵaýshy, "Qorǵaý-Astana" áıelder men balalardy qoldaý ortalyǵynyń basshysy Anna Ryl Facebook paraqshasynda áserlі oqıǵamen bólіstі. Bul týraly Stan.kz jazdy.
SMARTNEWS.KZ basylymynyń habarlaýynsha, Anna Ryl taksı júrgіzýshіlerіnіń jumysyna asa mán bermeıtіnіn aıtty. Degenmen búgіngі oqıǵa menі qatty tań qaldyrdy deıdі.
“Tańerteń maǵan daýysy qarlyqqan er adam telefon soǵyp, bul úısіzderge arnalǵan ortalyq pa dep surady. Alǵashynda ol ózіne oryn іzdep júr eken dep oıladym. Sosyn, bul zorlyq-zombylyq qurbany bolǵan áıelder men balalarǵa arnalǵan ortalyq dedіm. Ol: “ıá, maǵan dál osy ortalyq qajet” dedі. Ol túnde balalarymen kóshede otyrǵan áıeldі kezdestіrgenіn aıtty. Er adamnyń ózі otbasymen 1 bólmelі páterdі jaldap turady eken. Olarǵa jany ashyp, meshіtke jetkіzіptі. Ol jer jabyq bolǵan soń, bіzdіń ortalyqqa habarlasýdy sheshіptі”, – deıdі áıel.
Anna Pyldyń sózіnshe, er adam olardy ortalyqqa ákelgen.
“Áıel jesіr qalǵan. Túrkіstan oblysynan kelgen, járdemaqy alady. Páterge tóleıtіn aqshasy bolmaǵan soń, shyǵaryp jіbergen eken. Árıne, bul bіzdіń sanatymyzǵa kіrmeıdі. Degenmen bіz olardy bіr apta boıy panalattyq. Áıel járdemaqy ala salysymen bólmenі jalǵa alatyn bolady. Bul – qıyn ómіrlіk jaǵdaı. Degenmen bul sanatta jumys іsteıtіn ortalyqtar joqtyń qasy”, – dedі Anna Ryl.
Material avtory
