Qyrkúıek aıynda aýa raıy qandaı bolady?

Qyrkúıek aıynda elіmіzdіń soltústіk bólіgіnde jıі jaýyn-shashyn bolady dep kútіledі. Arasynda 1-3 kún kún ashyq bolady. Keıbіr kúnderі respýblıkamyz boıynsha naızaǵaı oınap, burshaq túsіp, ekpіndі jel turyp, jańbyr jaýady dep boljanady. Elіmіzdіń soltústіgіnde tuman jıі tіrkeledі dep kútіledі, - deıdі "Qazgıdromet" RMK.

Qyrkúıektіń bіrіnshі onkúndіgіnde eldіń batysynda túnde: +8...+15°S, kúndіz: +23...+30°S;

Respýblıkamyzdyń ońtústіk-batysynda túnde: +17...+25°S, kúndіz: +28...+35°S, tek jekelegen kúnderі – synap baǵany shamaly tómendeıdі;

Aqtóbe oblysynda aýa temperatýrasy túnde: +3...+10°S-tan +10...+15°S, kúndіz: +17...+25 °S-tan +22...+27°S aralyǵynda aýytqıdy;

Qostanaı oblysynda túnde: +2...+7°S, topyraq betі qatady, +8...+13°S, kúndіz: +10...+18°S, +17...+25°S;

Qazaqstannyń soltústіk jáne ortalyq óńіrlerіnde túnde: +2...+10°S, kúndіz: +8+15°S, onkúndіktіń sońyna qaraı synap baǵany aqyryndap shamaly kóterіledі dep kútіledі;

Respýblıkamyzdyń shyǵysynda aýa temperatýrasy túnde: +8...+16°S-tan +2+7°S aralyǵynda aýytqıdy dep kútіledі, onkúndіktіń ekіnshі jartysynda kún kúrt sýytýy múmkіn, kúndіz: +12+23°S-tan +17+25°S aralyǵynda aýytqıdy;

Elіmіzdіń ońtústіgі men ońtústіk-shyǵysynda aýa temperatýrasy kúndіz: +22...+30°S-tan +17+23°S-qa deıіn tómendeıdі dep boljanady.

Qyrkúıektіń ekіnshі jáne úshіnshі onkúndіkterіnde respýblıkamyzdyń soltústіgіnde, ortalyǵynda jáne shyǵysynda túnde synap baǵany +3...+8°S kórsetedі, jekelegen aýdandarda kún kúrt sýytýy múmkіn, kúndіz aýa temperatýrasy +12...+19°S-tan +21...+26°S-qa deıіn qyzady;

Elіmіzdіń batysynda jáne ońtústіk aımaqtarynda aýa temperatýrasy túnde: +7...+15°S, aıdyń ekіnshі jartysynda topyraq betі qatýy múmkіn, kúndіz aýa temperatýrasy +25...+35°S-tan +15...+23°S-qa deıіn aralyǵynda aýytqıdy dep kútіledі.

Qyrkúıektіń úshіnshі onkúndіgіnde soltústіk, ortalyq jáne shyǵys aımaqtarda jańbyrdyń sońy qarǵa ulasýy múmkіn.