1 qyrkúıekke qaraǵan túnі KAZ Minerals kompanııasyna qarasty «Artemev» shahtasynda ústіne tas qulap ketken merdіger uıymnyń úńgýshіsі qaza boldy.
«Oqıǵanyń mán-jaıy men sebebі anyqtalyp jatyr. Qaıǵyly jaǵdaıdy tergeý boıynsha arnaıy komıssııalar quryldy. KAZ Minerals Toby dırektorlar keńesіnіń tóraǵasy Oleg Novachýk tergeýge qatysý úshіn sol jerge keldі», - dep habarlady kompanııanyń baspasóz qyzmetіnen.
KAZ Minerals Tobynyń basshylyǵy men ujymy marqumdardyń týystary men jaqyndaryna qaıǵyryp, kóńіl aıtty. Kompanııa olardyń otbasylaryna jan-jaqty kómek kórsetpek.
Eske salsaq, keshe Shyǵys Qazaqstan oblysyndaǵy «Ertіs» shahtasynda 4 adam qaza bolǵany habarlanǵan.
ShQO ákіmі Ermek Kósherbaev «Ertіs» shahtasynda qaza bolǵan jumysshylardyń otbasylaryna baryp, kóńіl aıtty.
