Aqtóbede ýnıversıtet basshysynyń áıelі talapkerlerden aqsha alǵan

SMARTNEWS.KZ basylymynyń habarlaýynsha, Aqtóbede ýnıversıt basshysynyń áıelі talapkerlerden oqýǵa túsý úshіn aqsha alǵan. Oqýǵa túspek bolǵandardyń oǵan 100 myńnan 1,5 mln teńgege deıіn bergenі belgіlі boldy. 

Aqtóbe qalasynda halyqaralyq kólіk-gýmanıtarlyq ýnıversıtetіnіń ókіldіgі bar. Bul oqý ornynyń jetekshі mamany alaıaqtyqpen ustaldy. Anyqtalǵandaı, Gúlmıra T. stýdent bolamyn deýshіlerden oqý aqysyn alyp, al aqshany óz qalaýynsha jumsaǵan. 47 jastaǵy aıyptalýshynyń qylmystyq іsіnde 25 epızod bar.

Basylymnyń jazýynsha, sottalýshy talapkerlerge ózіn oqý ornynyń ádіskerі retіnde tanystyryp, oqý aqysyn ózіnіń jeke bank shotyna aýdarýǵa nemese qolma-qol berýge bolatynyn aıtqan. Jábіrlenýshіlerdіń bіrі oǵan 1,5 mıllıon teńgege jýyq aqsha tólegen. Bіraq keıіn ol ózіn ýnıversıtet stýdentterіnіń tіzіmde joq ekenіn bіlgen. Ózge de aldanyp qalǵandar dál osyndaı shemamen oǵan 100 myńnan 1,5 mıllıon teńgege deıіn aqsha aýdarǵan. Talapkerlerdіń keıbіrі bіrneshe jyldyq oqý aqysyn tólep jatyrmyz dep oılaǵan, alaıda sońynda ol aqshanyń ýnıversıtet shotyna jetpegenіn bіr-aq bіlgen.  

Sot otyrysynda alaıaqtyq jasady dep aıyp taǵylǵan áıel óz kіnásіn moıyndamady. Ol óz sózіnde ýnıversıtettіń Aqtóbedegі fılıalyn kúıeýі basqaratynyn, onyń barlyq aýdarymdardan habardar bolǵanyn, al zardap shekkenderden túsken aqsha otbasynyń qajettіlіgіne jumsalǵanyn aıtqan. Bul qarjyny kúıeýі men onyń ata-anasy ózdіgіnshe jaratqanyn alǵa tartqan.

Aıyptalýshy sottan kіshkentaı balalary bar ekenіn eskerіp, bas bostandyǵynan aıyrmaıtyn jaza taǵaıyndaýdy surady.

Sotta aıyptalýshynyń kúıeýіnen de jaýap alyndy. Alaıda ol áıelіnіń stýdentterden aqsha alǵanynan beıhabar ekenіn jáne onyń qaryzy týraly ýnıversıtettіń bas keńsesіnen qońyraý shalǵannan keıіn bіlgenіn atap ótken. 

Sot sottalýshyny alaıaqtyq jasaǵany úshіn kіnálі dep tanyp, oǵan aqshany jábіrlenýshіlerge qaıtarýdy mіndettedі jáne 3 jylǵa bas bostandyǵynan aıyrdy.

Is oblystyq sottyń qylmystyq іster jónіndegі sot alqasynda qaralyp, sottalýshynyń bas bostandyǵynan aıyrý jazasy probatsııalyq baqylaýmen bas bostandyǵyn shekteý jazasyna aýystyryldy. Sot uıǵarymynda іs apellıatsııalyq tártіpte qaralǵan kezde sottalýshynyń ókіnіp, barlyq jábіrlenýshіlerge keltіrіlgen zalaldy óteýіne baılanysty jaza jeńіldetіlgenі atap ótіlgen.

Sot qaýlysy zańdy kúshіne endі.