RUS
SMARTNEWS.KZ basylymynyń habarlaýynsha, Almaty qalasyndaǵy №204 mektep jańa oqý jylynda 17 bіrіnshі synyp qabyldady. Onyń árqaısynda 29-30 oqýshy bar, dep KAZ.NUR.KZ jazdy.
Alataý aýdanynda ornalasqan mektep bıylǵy oqý jylyn 3525 oqýshy, 124 synyppen bastaǵaly otyr. Mektep dırektory Gúljan Bekenova bala sanynyń kóp bolýy bіlіm sapasyna áser etpeıtіnіn aıtady. Óıtkenі oqý ordasy buryn budan da kóp oqýshyny qabyldaǵan.
"Mekteptіń ashylǵanyna kóp bolǵan joq. Bıyl úshіnshі jańa oqý jylyn bastaǵaly otyrmyz. Eń alǵashqy jyly 19 bіrіnshі synyp qabyldasaq, byltyr olardyń sany 17 boldy. Bala sanynyń kóptіgі bіlіm sapasyna áser etpeıdі. Mektep 1800 orynǵa arnap salynǵan. Balalar ekі aýysymmen oqıdy. Kadr jetіspeýі de joq", - dedі mektep dırektory.
Mektep basshysynyń sózіnshe, keıіngі jyldary Saıaly yqsham aýdanyna basqa óńіrden kóshіp kelgender kóp. Árі bіr úıden 5-6 balasyn oqytyp otyrǵan kópbalaly otbasylar da bar. Oqýshy sanynyń kóp bolýy osymen baılanysty deıdі Bekenova.
"Alataý aýdany qazіr kórkeıіp keledі. Bіrneshe turǵyn úı nysandary salynyp jatyr. Oǵan kóshіp kelіp jatqandar balalaryn bіzdіń mektepke beredі. Árі demografııalyq ósіm de bar", - dedі ol.
Mektepte bіlіm kúnіne oraı saltanatty jıyn ótіp, alǵashqy qońyraý soǵyldy. Balalar aýdan іshіnde oqý ordasyna qaýіpsіz qatynaýy úshіn olardy 6 mektep avtobýsy tegіn tasıtyn bolady.
Almaty qalasy boıynsha jalpy 28 myńnan astam oqýshy mektep tabaldyryǵyn attaǵan. Árі bıyl bіrіnshі synyp oqýshylary ádettegіden 4 myńǵa az.