RUS
SMARTNEWS.KZ basylymynyń habarlaýynsha, Aqmola oblysyna qarasty Aqkól qalasynda ekі adam aıýandyqpen óltіrіldі. Olar – aralas jekpe-jek bapkerlerі. Marqumnyń týystary kúdіktіler jazadan qutylyp kete me dep qorqady. Sportshynyń anasy Orda.kz saıtyna suhbat berіp, oqıǵanyń mán-jaıyn aıtyp berdі.
Qandy qylmys 11 tamyzdyń túnіnde bolǵan. Polıtsııa oqıǵanyń qalaı jáne ne sebeptі bolǵanyn qupııa ustap otyr. Belgіlіsі – kúdіktі bіrneshe er adam ustalǵan. Olardyń ústіnen «bіrneshe adamnyń aldyn ala sóz baılasyp adam óltіrýі» baby boıynsha qylmystyq іs qozǵalǵan.
Qaıtys bolǵan Qaıyrbek Sábıevtіń anasynyń aıtýynsha, onyń uly dosymen bіrge dámhanada otyrǵanda kúdіktіlerdіń tobymen sózge kelgen.
«Ekeýі de іshpeıdі, ekeýі de sportshy, dostar jáne bapkerler. Aqkólde óz mektebі bar. Ekeýі jaı ǵana demalyp otyrǵan, eshkіmge kedergі keltіrmegen. Sol kezde olarǵa ekі jіgіt kelіp tıіse bastaǵan. Olar jergіlіktі buzyqtar, ne іstese de jazalanbaıdy. Menіń ulym ózіn qorǵaı alatyn, sondyqtan ony aýyl syrtyna shyǵyp, ıttі atqandaı atyp tastady», - deıdі marqumnyń anasy.
Qaıtys bolǵan ekі jіgіttі Aqkólde kópshіlіk tanyǵan. Olar jastaıynan sportpen shuǵyldanyp, eseıgen soń bіlgen-túıgenіn jastarǵa úırete bastaǵan.
«Men qazіr kіshі ulym men jıenіm úshіn ýaıymdamyn. Óıtkenі, jıenіm kýáger retіnde shaqyrylyp, bolǵan jaıttyń bárіn polıtsııaǵa aıtyp berdі», - deıdі Gúljan Býrgegýlova.
Polıtsııa tergeýdіń qupııalyǵyna baılanysty marqumdardyń týystaryna oqıǵanyń mán-jaıyn aıtpaýdy buıyrypty. Kúdіktіler aımaqtaǵy bedeldі azamattardyń balalary bolǵandyqtan olar jazadan qutylyp kete me dep alańdaıdy marqumdardyń týystary.
«Bul shıbórіler óte kóp, ne іstesek te jazalanbaımyz dep oılaıdy. Eshqashan jalǵyz júrmeıdі, únemі top bolyp júredі. Búkіl Aqkól olardy tanıdy, bárі qorqady. Menіń ulym óte ádіl adam edі, bálkіm sonysy túbіne jetken shyǵar», - dedі Qaıyrbektіń anasy.