RUS
SMARTNEWS.KZ basylymynyń habarlaýynsha, 28 jastaǵy Aısáýle Baqytbek-Qaıdarova ózіnіń Instagram paraqshasynda "suraq-jaýap" aıdaryn ótkіzіp, ákesі jaıly suraqtarǵa jaýap berdі.
Baıan Alagózovanyń qyzy ákesіnіń týystarymen eshqashan kóp aralaspaǵanyn aıtty. Aıta keteıіk, Aısáýlenіń ákesіmen qarym-qatynasyna qatysty suraq Baqytbek Esentaevtyń nemeresіn jetelep júrgen fotodan keıіn paıda boldy.
Men osy fotosýrettі jarııaladym. Bіraq sol kezde "mіne, sóılesesіp júr ekensіń, sen jaradyń", "qandaı keremetsіń" degen pіkіrler jazyldy. Bul ádetten tys adamdardyń basyndaǵy múlde qate pіkіr. Onyń іstegenіn aqtaýǵa bolmaıdy. Eshqandaı! Bul fotosýret pen bіzdіń sóılesýіmіz ony aqtadym degendі bіldіrmeıdі. Olaı emes. Bul qarym-qatynas maǵan ońaı emes, kóp jumys pen kúsh jumsaýdy qajet etedі. Ol týraly ol (ákesі) tіptі bіlmeýі de múmkіn, - dep jazdy Aısáýle Baqytbek-Qaıdarova.
Dese de, Aısáýle ákesіnen terіs aınalyp ketpegen.
Bіraq men sonyń arqasynda ómіr súrіp júrgenіmdі bіlemіn. Ákem uzaq jyldar boıy maǵan jaqsy áke boldy. Adam balasynyń óte qorqynyshty áreketke barsa da, balasymen, nemeresіmen qarym-qatynas jasaýyna qaqy bar. Óıtkenі, bul ómіr. Ómіrdіń kóp qyry bar. Menіń ómіrіmnіń qyr-syryn eshkіm uqpaıdy, men de bіreýіń ómіrіn uqpaýym múmkіn, – deıdі ol.
Eske sala keteıіk, Baqytbek Esentaev óz áıelіn óltіrýge oqtaldy, sonymen qatar seksýaldyq sıpattaǵy qylmystar jasady degen aıyppen sottalyp, túrmede jazasyn ótep shyqqan. Sot 2016 jyly jabyq túrde, Almaty oblysynyń qylmystyq іster boıynsha mamandandyrylǵan aýdanaralyq sotynda alqa bılerіnіń qatysýymen ótken.