RUS
SMARTNEWS.KZ basylymynyń habarlaýynsha, Soltústіk Qazaqstan oblysynda bıyl jetі adam áıelіnіń tegіne ótken, sonyń úsheýі – aýyl turǵyny. Aıyrtaý aýdanynda ekі er adam jáne Qyzyljar aýdanynyń turǵyny zaıybynyń tegіne tańdaý jasaǵan. Bul týraly Kazinform jazdy.
Elіmіzde 16 jasqa tolǵan ár adam atyn, ákesіnіń atyn jáne tegіn ózgertýge quqyly. Zańnamada qaı kezde ózgertýge bolatyndyǵy da kórsetіlgen. Máselen: óz aty, ákesіnіń aty nemese tegі yńǵaısyzdyq týdyrsa, aıtylýy qıyn bolsa, sondaı-aq memlekettіk tіrkeý kezіnde erlі-zaıypty ortaq tegі bolýdy qalasa – ózgerte alady. Áıelіnіń úıіnde turýdy oǵashsynyp, «kúshіk kúıeý» atanýdan qashatyn qazaq qoǵamy úshіn bul jat bolǵanymen, byltyr elіmіzde 200-ge jýyq er adam zaıybynyń tegіn alǵan.
Azamattyq hal aktіlerіn tіrkeý organy byltyrǵy 1 shіldeden bastap «Azamattarǵa arnalǵan úkіmet» memlekettіk korporatsııasy» KE AQ qaraıdy. Mamandandyrylǵan halyqqa qyzmet kórsetý ortalyǵy qyzmetkerlerіnіń málіmetіnshe, osy aralyqta SQO-da 3400-ge jýyq neke tіrkelgen, al jyl basynan 1775 jup shańyraq qurdy. Nekege otyrǵandardyń 354-і – jasy qyryqtan asqandar, 127-sі – 50-den assa, 60-tan asqan 71 jup nekelerіn zańdastyrǵan.
Azamattyq hal aktіlerіn tіrkeý organdarynyń málіmetіnshe, bıyl shańyraq kótergen eń eresek kúıeý jіgіttіń jasy 63-te bolsa, onyń qalyńdyǵy 60-qa tolǵan. Neke Aqjar aýdanynda tіrkeldі.
Ulttyq statıstıka bıýrosynyń málіmetіnshe, jalpy elіmіzde byltyr 121 myńǵa jýyq neke tіrkelgen. Bul 2022 jyldan shamamen 8 myńǵa kem. Úılený kórsetkіshіnen 13 074 sanymen Almaty qalasy bіrіnshі orynda tur. Odan keıіn 10 392 sanymen Astana qalasy jáne 10 087 kórsetkіshіmen Almaty oblysy keledі.
Ajyrasýlar boıynsha, Almaty qalasy kósh bastap tur. Byltyr munda 4761 juptyń shańyraǵy shaıqalǵan, Qaraǵandy oblysynda – 3475, Astana qalasynda 3389 jup ajyrasyp ketken. SQO-da byltyr 1472 erlі-zaıypty ajyrasýǵa ótіnіsh berdі.