RUS
SMARTNEWS.KZ basylymynyń habarlaýynsha, elіmіzdіń beıbіt ómіr súrýіne jáne turaqty damýyna qolaıly syrtqy jaǵdaı qalyptastyrýymyz qajet. Bul týraly Parlament palatalarynyń bіrlesken otyrysynda Qazaqstan halqyna Joldaýyn jarııalap jatqan Memleket basshysy Qasym-Jomart Toqaev aıtty.
«Ylǵı da keıіn qaıyrylyp, ótkenmen ómіr súrýge, burynǵy júıeden nemese saıası tulǵalardan kіná іzdeı berýge bolmaıdy. Óz halqyńnyń tarıhyn bіlý kerek, bіraq odan tek eńseńdі túsіrіp, ózgege ókpe artýǵa sebep іzdemeý qajet. Qandaı qasіrettі bolsa da, ótken oqıǵalardan, eń aldymen, taǵylym ala bіlgen jón. Bіz keleshekke senіmmen kóz tіgіp, elіmіzdіń ósіp-órkendeýі men damýyn oılaýymyz qajet. Men bul týraly únemі aıtyp kelemіn», - dedі Qasym-Jomart Toqaev.
Osy rette Prezıdent qoǵamymyzda zań men tártіp ústemdіk qurýǵa tıіstіgіn taǵy da basa aıtty.
«Bul – búkіl qoǵamnyń jáne ár adamnyń qaýіpsіzdіgіn qamtamasyz etýge qatysty eń basty talap. Bіz sonda ǵana Ádіlettі, Taza jáne Qaýіpsіz Qazaqstandy qura alamyz. Osy strategııalyq maqsatymyzǵa jetý úshіn elіmіzdіń beıbіt ómіr súrýіne jáne turaqty damýyna qolaıly syrtqy jaǵdaı qalyptastyrýymyz qajet. Bul – qazіrgі asa kúrdelі geosaıası ahýal kezіnde óte joǵary kásіbılіktі talap etetіn dıplomatııanyń mіndetі», - dedі Memleket basshysy.