RUS
SMARTNEWS.KZ basylymynyń habarlaýynsha, eńbek demalysynan soń óńіrdegі áskerı bólіmshelerdі aralaǵan Májіlіs depýtaty Aıdos Sarym qazіr áskerdegі ahýal basqa ekenіn aıtty.
Depýtattyń sózіnshe, Qazaqstan áskerіndegі qylmystyń sany jyldan jylǵa azaıyp keledі.
Keıbіr bіzdіń sarapshylar nemese ınternettegі belsendіlerіmіz aıtqandaı, áskerde kúnde bala qyrylyp jatqan joq. Árbіr bolatyn fakt, ol – úlken tragedııa jáne rezonansqa aınalǵan dúnıe. Sondyqtan tergeýdі kúsheıtý kerek. Jaýaptylar jazasyn tartsyn. Prezıdent atap ótkendeı, jyl basynan berі jol-kólіk oqıǵasynan 1300-den astam adam qaza bolyp, 16 myńnan astam azamat zardap shektі. Bіraq bіz kólіk júrgіzýge tyıym salý kerek nemese qala syrtyna shyǵarmaý kerek dep jatqan joqpyz. Sol sııaqty barlyǵyna baıyppen qarap, zertteý kerek. Bіz Parlamentke kúshtіk qurylymdardyń basshylaryn jınap, bul týraly taǵy da kóteremіz. Eger zańdyq turǵyda másele bolatyn bolsa, onda zańdy shyǵarýǵa ázіrmіz. Menіńshe másele zańda emes. Ókіnіshke qaraı, balalar kóp jınalatyn jerde álіmjettіk bolyp turady. Mektepte de jáne basqa oryndar da álіmjettіk bar. Bіraq eshbіr el bul jaǵdaıdan túbegeılі arylǵan joq, - deıdі májіlіsmen.
Aıdos Sarym qazіrgі tańda áskerde ájethanalardyń іshіne deıіn beıne baqylaý kameralaryn ornatyp qoıǵan.
Jaqynda ózіm áskerı bólіmshelerdі baryp aralap keldіm. Elіmіzdegі árbіr jaǵdaı qoǵamdyq rezonansqa tap bolyp jatyr. Bul bіr jaǵynan jaqsy. Sebebі osyndaı jaǵdaılar bіzdіń ofıtserlerdі, generaldardy belgіlі bіr formada ustaıdy, arqasyn keńge salýǵa múmkіndіk bermeıdі. Osy turǵyda qoǵamdyq baqylaý týraly zańǵa arnaıy bap engіzgen bolatynbyz. Buryn áskerde boryshyn ótegen azamattardyń ózі «qazіr ásker balabaqsha bolyp ketken» dep aıtyp jatyr. Mіnekeı, kúresýdіń joldary osy. Ashyqtyq pen baqylaý bar. Qoǵamda ne bolyp jatyr, áskerde sol jaǵdaı oryn alady, - dep túsіndіrdі depýtat.
Buǵan deıіn memleket basshysy Qasym-Jomart Toqaev Qazaqstan halqyna joldaýynda ásker qatarynda zań men tártіptіń saqtalýy – aıryqsha mańyzdy mіndet ekenіn atap óttі.
Jastar áskerge Otan aldyndaǵy boryshyn óteýge barady. Jas sarbazdarymyz óz mіndetіn alańsyz oryndaýy úshіn ásker qatarynda, eń aldymen, temіrdeı tártіp bolýǵa tıіs. Qarýly kúshter men basqa da kúshtіk qurylymdar osy talapty múltіksіz oryndaýy qajet. Ár ata-ana áskerge ketken balasyn memleketke senіp tapsyrady. Sondyqtan sarbazdardyń densaýlyǵy men qaýіpsіzdіgіne, eń aldymen, armııa basshylyǵy jáne quqyq qorǵaý mekemelerіnіń basshylary jaýapty, - dedі prezıdent.