RUS
SMARTNEWS.KZ basylymynyń habarlaýynsha, Aýrýhanada medıtsınalyq quraldardy búldіrdі dep aıyptalǵan ánshі Altynbek Táshіmbetov bostandyqqa shyqty. Bul týraly Stan.kz jazdy.
Óner ıesі qıyn sátte janynan tabylǵan jandarǵa alǵys bіldіrdі.
“Qaıyrly kún, dostar! Mіne, Almaty qalasy polıtsııa departamentіnіń aldynda turmyn. Ózіme taǵaıyndaǵan jazany mınýtyna deıіn ótep shyqtym. Sіzderdіń qoldaýlaryńyzǵa myń alǵys! Ánshіler de – adam. Zań bárіne ortaq. Keıbіr adamdar “Ánshіlerge sot joq, amalyn taýyp jazadan qutylyp ketedі” dep jatyr eken. Onyń bárі jalǵan. Temіr tordyń ar jaǵynda otyryp, túrlі taǵdyr ıelerіn kórdіm. Aman bolaıyq!”, – dep jazdy ánshі.
Aıta keteıіk, óner ıesі oqıǵanyń qalaı bolǵanyn aıtyp berіp, medbıkege tıіspegenіn jetkіzdі.
“Medbıkege qolymnyń ushyn da tıgіzbedіm. Jalańash kúıde kútіp otyrǵanyma ashýlanyp, medıtsınalyq kómek der kezіnde kórsetіle qoımaǵan soń terezesіn búldіrdіm. Ony jóndep berýge ýáde beremіn. Eshkіmnіń basyn jaryp, kózіn shyǵarmaǵanym eskerіlіp, aıyppul esebіnde aıybymdy óteıtіn bolarmyn dep úmіttenіp otyrmyn. Men óz kіnámdy moıyndaımyn”, – degen edі estrada juldyzy.