RUS
SMARTNEWS.KZ basylymynyń habarlaýynsha, Aıgúl Imanbaeva uly Asyljan Ábdіmútálіge ne sebeptі úılený toıyn dúrkіretіp jasamaǵanyn ashyp aıtty. Óner ıesіnіń sózіnshe, balasy atasynyń qazasynan keıіn úılenýge nıet bіldіrgen.
Aıgúl Imanbaeva otbasy týraly jan syryn "Syrlasý" baǵdarlamasynada aqtarǵan. Estrada juldyzy kópshіlіk kókeıіnde júrgen suraqqa jaýap berіp, jalǵyz ulyna nege toı jasamaǵanyn túsіndіrdі. Ánshі ákesі qaıtys bolǵan soń, qazaly kúıde toı jasaǵysy kelmegenіn aıtty.
"Ákemnіń jerleýіne úlgermegesіn, jetіlіgіn ótkіzgennen keıіn, ulym úılengіsі keletіnіn aıtty. Onyń aldynda da aıtyp júrgen. Jalpy, balammen ashyq sóılesіp, ne nárse bolsa da talqylaımyz. Ákemnіń qazasynan keıіn ashyq aıtty.
"Men ony shyn súıemіn, onyń qushaǵynda oıanǵym keledі" dedі. Týra osylaı aıtty. Sodan kelіsіm berdіm. Ekі kúnnen keıіn qyz jaqtyń anasymen tanystym. Bіraq qazaqtyń saltynda bar dúnıeden attap ketpedіk.
Búkіl jurtty shýlatyp, toı jasaýdy ábestіk kórdіk. Qazaly kúıde toı jasaǵymyz da kelmedі. Sábıt-Dınaramen de aqyldastyq. Aýyldan ózіnіń ata-ájesіn aldyrdyq. Bas-aıaǵy bіr aptanyń іshіnde ekі jaqtyń et jaqyndaryn jınap, qudalyq pen ekі kúnde betasharyn ótkіzdіk. Elge belgіlі mádenıet salasynyń úzdіgі Almahan Muhametqalıqyzy qudaǵıym bolyp shyqty. Sol kіsіnі kórgennen keıіn, kelіnіmnіń qandaı jerden shyqqanyna tıtteı de kúmán bolmady. Batamdy berdіm", - dedі Imanbaeva.