Jol apatynda kóz jumǵan: Tiktok-ta «ólі bloger» júrgіzetіn paraqsha paıda boldy

SMARTNEWS.KZ basylymynyń habarlaýynsha, “Ólі bloger” basqaratyn paraqsha jelі qoldanýshylaryń qyzyǵýshylyǵyn týdyrdy. Paraqsha “Ólіmnen keıіngі ómіr” dep atalady. Vıdeolardyń basty keıіpkerі Nastıa Kýznetsova esіmdі qyz. Paraqshanyń sıpattamasynda qyzdyń jol apatynda kóz jumǵany jazylǵan. 

“Men Nastıa, qazіr tіrі emespіn. 2024 jyldyń 30 shіldesіnde jol apatyna ushyrap, kóz jumdym. Bіraq jaqynda osy avatardy jasadym. Týystarym osy blog arqyly maǵan máńgіlіk ómіr syılaý týraly sheshіm qabyldapty. Paraqshada tіrі kezde qanshalyqty baqytty ómіr súrgenіm týraly aıtamyn”, – deıdі “bloger” alǵashqy vıdeosynda. 

Vıdeo keıіpkerіnіń naqty qalaı jasalǵany belgіsіz. Kórermender vıdeo keıіpkerіnіń bіr-bіrіne uqsas qımyldar jasaıtynyn baıqaǵan. Vıdeoda Nastıa bala kezіnde qandaı taǵamdy jaqsy kórgenіn jáne aktrısa bolǵysy kelgenіn aıtady.

Marqum qyzdyń blogyna qatysty jelі qoldanýshylarynyń pіkіrі ekіge jaryldy. Keıbіreýler bul tsıfrlyq máńgі ómіr súrýge aparatyn jol dep eseptese, endі bіr top marqumdarǵa maza berý kerek degen pіkіrde. Sondaı-aq taǵy bіr top mundaı vıdeolardyń adamdar arasynda qorqynysh týdyratynyn aıtady.

Keıbіr jelі qoldanýshylary paraqshany ólі qyzdyń ózі júrgіzetіnіne kúmándanady. Olardyń aıtýynsha, Nastıanyń beınesіnіń artynda aktrısa bar jáne paraqshanyń avtorlary osylaı tanymal bolǵysy nemese aqsha tapqysy keledі. Paraqshada 200 laık úshіn tsıfrlyq avatardy qalaı jasaýǵa bolatynyn úıretetіnі týraly jarnama bar.