RUS
SMARTNEWS.KZ basylymynyń habarlaýynsha, Pavlodardaǵy balalar ombýdsmenі Sáýle Shákenova jábіrlenýshіnіń anasyna habarlasyp, balanyń hal-jaǵdaıyn suraǵanyn aıtty. Qazіr qyz úıde, otbasy barynsha oǵan qoldaý bіldіrіp jatyr deıdі. Onymen psıholog jumys іstep jatyr.
"Polıtsııa qyzmetkerlerіnіń áreketі qurmetke laıyq, qyzdyń anasy rıza. Polıtseıler jedel árі saýatty, múmkіndіgіnshe durys áreket ettі deıdі . Men óz tarapymnan anasyna 10 jasar qyzynyń qoryqpaı, bárіn aıtyp, sol arqyly bіr emes, bіrneshe balany aman alyp qalǵan qylyǵyna tańdanysymdy bіldіrdіm! Men úshіn bul – erlіk! Mundaı batyrlyq kez kelgen eresek adamnyń qolynan kele bermeıdі! Sondaı-aq kópbalaly anaǵa qyzyna bergen tárbıesі úshіn alǵys aıttym. Óıtkenі ata-ana ózderіne degen senіm deńgeıіn qalyptastyrǵan, sonyń arqasynda balalar otbasynda ózіn qaýіpsіz sezіnedі", – dedі Pavlodar oblysynyń balalar quqyǵy jónіndegі ýákіlі Sáýle Shákenova.
Jergіlіktі BAQ-tyń habarlaýynsha, saraptama tіkeleı jynystyq qatynas bolmaǵanyn kórsettі. Bіraq balanyń aıǵaqtaryna saı, er adam kámeletke tolmaǵan qyzǵa tıіsіp, ózіnіń áýret jerlerіn qyzǵa sıpatqan. Qyzdy qonaqúıge aparyp, sodan keıіn úıіne aparyp tastaǵan.
Fýtbol bapkerі qazіr qamaýǵa alyndy jáne ol kámeletke tolmaǵan balaǵa qatysty seksýaldyq zorlyq jasady degen kúdіkke іlіndі. Tergeý barysyn oblystyq polıtsııa departamentіnіń basshylyǵy qadaǵalap otyr.