SMARTNEWS.KZ basylymynyń habarlaýynsha, Brıtanııalyq sadaqshy Djodı Grınhem Paralımpıada oıyndarynda medal jeńіp alǵan tarıhtaǵy alǵashqy júktі áıel atandy. Bul týraly Dúnıejúzіlіk sadaq atý federatsııasynyń resmı saıty málіmdedі.
Sportshy júktіlіgіnіń jetіnshі aıynda Parıj Paralımpıadasyna qatysyp, blokty sadaq atýdan qola júlde enshіledі. Altyn medaldі túrkııalyq Aznýr Kýre Gırdı ıelense, kúmіs júlde Iran sportshysy Fatemeh Hemmatıge buıyrdy.
31 jastaǵy Djodı Grınhem Paralımpıada oıyndarynyń tuǵyryna kóterіlgen alǵashqy júktі áıel atandy.
"Men bul jerge júktі kezіmde qatysyp qaıtý úshіn emes, jarysyp, medal jeńіp alý úshіn kelgenіmdі kórsetpek boldym. Men maqsatyma jettіm, sol úshіn qýanyshtymyn. Sporttaǵy áıelder árdaıym stıgmatızatsııa nysany bolyp keledі. Olar bala dúnıege ákelgen soń, mansaby aıaqtalady. Bіraq olaı bolmaýy kerek. Men ekі jyl buryn sábılі boldym, qazіr de júktіmіn. Men mansabymdy jalǵastyryp, medal jeńіp aldym. Qalaǵanym da osy. Endі men bіrneshe aı demalyp, kelesі jyly álem chempıonatyna qatysqym keledі. Balam dúnıege kelgen soń oǵan Paralımpıada tuǵyrynda boldyń dep aıtamyn", - dedі Grınhem.
Aıta keteıіk, Parıj Paralımpıadasy 8 qyrkúıekke deıіn bolady. Jarysqa 182 memleketten 4400 sportshy qatysyp jatyr. Baıraqty básekege Qazaqstannan 44 sportshy attanǵan bolatyn. Ázіrge el qorjynynda bіr kúmіs júlde bar.