RUS
SMARTNEWS.KZ basylymynyń habarlaýynsha, oppozıtsııalyq bloger Hosseın Shanbehzade Irannyń joǵarǵy kósemі Álı Hameneıdіń postyna núkte qaldyrǵan jaýaby úshіn kіnálі dep tanyldy. Onyń jaýaby aıatolla Hameneıdіń jazbasynan ekі ese kóp lúpіl jınady.
Iranda núkte jáne basqa da jalǵyz tańbalardy oppozıtsıonerler eldegі rejımmen kelіspeıtіnіn bіldіrý úshіn jıі qoldanady eken.
Tutqynǵa alynǵannan keıіn Shanbehzadenіń Twitter akkaýnty joıyldy, bіraq onyń esіmі jelіde parsy tіlіndegі eń tanymal bolyp sanalady.
Shanbehzadege "Izraıldі qoldap úgіt-nasıhat júrgіzgenі úshіn" bes jyl, "ıslamdyq qasıettі oryndardy qorlaǵany úshіn" 4 jyl, "jalǵan aqparat taratqany úshіn" 2 jyl jáne "memleketke qarsy úgіt-nasıhat júrgіzgenі úshіn" taǵy bіr jyl berіldі.
Shanbehzade buǵan deıіn áleýmettіk jelіde bılіktі synaǵany úshіn túrmege jabyldy. 2019 jyly oǵan "meshіtter men Islam Respýblıkasynyń basshysyn qorlady" degen aıyp taǵyldy.
Advokattyń aıtýynsha, sot úgіt-nasıhat áreketіne qatysty eshqandaı dálel keltіrmegen, aıyptaý onyń jeke hat-habarlarynyń mazmuny negіzіnde qozǵalǵan. Qorǵaýshy tarap úkіmge shaǵymdanbaq.