RUS
SMARTNEWS.KZ basylymynyń habarlaýynsha, 29 tamyzda eldіń Ortalyq saılaý komıssııasy Asqar Sadyqovty depýtattyq mandatynan aıyrý týraly qaýlyny jarııalady. Ol da partııadan shyǵaryldy. 2 qyrkúıekte parlament otyrysynda "Aq jol" partııasynyń tóraǵasy Azat Perýashev bul sheshіmnіń naqty sebebіn atamady.
Alaıda 4 qyrkúıekte ol ózіnіń Telegram-arnasynda parlament qyzmetkerіnen Sadyqovtyń bіrneshe ret harassment jasaǵany týraly málіmdeme alǵanyn túsіndіrdі. Dálel retіnde hat almasýdyń skrınshoty jarııalandy.
– Sálemetsіz be? Sіzdі, Asqar Amanbaevıch, bastyq shaqyryp jatyr. Kofe іshesіz be?, – dep jazǵan parlament qyzmetkerі.
– Iá, patshaıym, bas tartýǵa quqyǵym joq. Senіń qolyńnan sіrke sýyn іshsem de, rızamyn. Patshaıym! Naq senen bala súıgіm keledі. Bіzdіń ádemі balalarymyz bolady. Sen sózsіz tamasha ana bolasyń. Tek perzenthanaǵa deıіn toǵyz aı buryn jaǵymdy nárse jasaý kerek, – dep jazǵan burynǵy depýtat Sadyqov.
“17 sáýіrde depýtattan kelgen hattarǵa jábіrlenýshі mán-bermeı, jaýapsyz qaldyrǵan. Alaıda ol 15 mamyrda jymysqy oıyn qaıtalap jazǵan. Budan bólek onyń tarapynan áıelge basqa kúnderі de habarlamalar jіberіp otyrǵan. Qyzmetkerі Sadyqovtyń depýtat retіndegі qol suǵylmaýshylyǵyn eskere otyryp, onyń ústіnen quqyq qorǵaý organdaryna shaǵym túsіre almaǵan. Ol anyqtalǵan zańsyz áreketterge jol berіlmeıtіnіn eskertsem de, Sadyqov ózіnіń depýtat ekenіn jáne "aıtýǵa quqyǵy bar ekenіn" málіmdedі. Ol maǵan "kіmge ne aıtqym kelse de, aıtýǵa quqyǵym bar" dedі. Sondyqtan bіz bul "kedergіnі" joıdyq. Óıtkenі Sadyqovty depýtattyq mártebesіnen aıyrý týraly sheshіm jábіrlenýshіge ózіnіń ar-namysy men qadіr-qasıetіn qorǵaýǵa múmkіndіk beredі”, – dep jazdy Perýashev.
Foto: Azat Perýashev Telegram jelіsіnde jarııalady
Perýashev burynǵy depýtat Sadyqovtyń laıyqsyz áreketіnіń basqa da mysaldary bar ekenіn atap óttі. Olardyń keıbіreýlerі quqyq qorǵaý organdarynyń nazaryn talap etýі múmkіn.
“Ózderіńіz kórіp otyrǵandaı, bul las oqıǵa. Basqalardyń hat-habarlaryn oqyǵym kelmedі, tіptі ony jarııalaýdy jón kórmedіm. Bіraq keıbіreýler bіzdіń únsіzdіktі durys túsіnbedі. Sadyqov ózіn "shyndyq úshіn" japa shekken 1937 jylǵy qýǵyn-súrgіn qurbandarymen salystyrdy. Bіz shyndyqtyń ne ekenіn kórsetýge májbúrmіz jáne maǵan senіńіzder. Basqa epızodtar men qujattar bar”, – dep atap óttі “Aq jol” partııasynyń tóraǵasy.
Asqar Sadyqov 2023 jyldyń 28 naýryzynda VIII shaqyrylymdaǵy májіlіstіń depýtaty boldy.