RUS
SMARTNEWS.KZ basylymynyń habarlaýynsha, Qarjylyq monıtorıng agenttіgі "Sybaǵa" memlekettіk baǵdarlamasy aıasynda "Agrarlyq nesıe korporatsııasy" AQ Aqtóbe fılıalynan nesıe alý kezіndegі alaıaqtyq faktіlerіn anyqtady.
“Tergeý barysynda 4 sharýa qojalyǵynyń ókіlderі jalǵan qujattardy paıdalana otyryp, asyl tuqymdy іrі qara mal satyp alýǵa bólіngen memlekettіk sýbsıdııalar men kredıttіk qarajatty jymqyrǵan úsh azamat anyqtaldy. Memleketke jalpy somasy 1 mlrd teńgege jýyq іrі mólsherde zalal keltіrіldі”, – delіngen habarlamada.
Qarjy monıtorıng agenttіgіnіń málіmetіnshe, sotqa deıіngі tergeý barysynda zalal óteldі. Alaıaqtyq jasaǵany úshіn úsh kúdіktі sot úkіmіmen 5 jylǵa sottaldy. Sottalýshylardyń jyljymaly jáne jyljymaıtyn múlіkterі memleket paıdasyna tárkіlendі.
Memleket Basshysynyń tapsyrmasyn oryndaý aıasynda Qarjylyq monıtorıng agenttіgі AÓK salasyn damytýǵa bólіnetіn sýbsıdııalar men kredıttіk qarajattardyń oryndy jumsalýyna turaqty túrde monıtorıng júrgіzіp jatyr. Bul jumys adal kásіpkerlerdіń quqyqtaryn qorǵaýǵa baǵyttalǵan.