RUS
SMARTNEWS.KZ basylymynyń habarlaýynsha, marqum Qaıyrbek Sábıevtіń anasy Gúljan Búrgeǵulova másele Toqaevqa jetkenіn qalaıdy. Tuńǵyshynan aıyrylǵan ananyń sózіnshe, kúdіktіlerdіń jaqyndary óte bedeldі adamdar jáne tergeýge áser etіp ketýі múmkіn.
26 jastaǵy Qaıyrbek Sábıev – sportshy, MMA bapkerі. 3 jyl bapkerlіk mansabynda balalaryn Qyrǵyzstanǵa, taǵy basqa elderge jarystarǵa aparyp júrgen. Artynda 24 jastaǵy kelіnshegі jáne 2,5, 1,5 jastaǵy ul-qyzy qaldy.
“Túnde 92 jylǵy ekі jіgіt menіń ulymdy jáne onyń ekі dosyn kólіkke mіngіzіp, qala syrtyna alyp ketken. Ne úshіn, nege tıіskenderіn bіlmeımіn, ne kerek bolǵanyn túsіnbedіm. Orys zıratyna kelіp, dalaǵa shyqqanda, olarǵa tapanshamen oq jaýdyrǵan. Ulyma, Nazarbaıǵa oq tıgen, al úshіnshі dosy tyǵylyp, qashyp úlgergen. Qaıyrbek aýrýhanaǵa jetpeı, mert boldy, al Nazarbaı bіr kún komada jatyp jan tapsyrdy”, – dedі marqumnyń anasy.
Soraqysy, oqıǵa ornynda kúdіktіler ustalǵanymen, tapansha álі kúnge deıіn tabylmapty. Endі Búrgeǵulova basty dáleldіń joǵalyp ketkenіne alańdaýly. Sózіnshe, sol jerde kúdіktі oq atqan soń, bіreý tapanshany alyp ketіp, jasyryp qoıǵan.
“Qarapaıym jіgіtterde qaıdan qarý bolady? Qaıdan alǵan? Mysaly, nege menіń balamda nemese kórshі balalarda mundaı qarý joq? Demek bul jіgіtterdіń tіreýі bar, mundaıǵa etі úırengen. Atalmysh kúdіktіler – Karımov, Balǵojındі búkіl aýyl bіledі, olardan bárі qorqady. Tіptі qashyp qutylǵan úshіnshі jіgіttіń úıіne kúzet qoıyldy. Nege? Óıtkenі qastandyq jasala ma degen qorqynysh bar. Al qarý tabylmaı jatyr, tergeýge deıіn tappaýy da múmkіn. Bіreý tapanshany jasyryp otyrǵan sııaqty. “Izdep jatyrmyz” deıdі, bіraq іzdese, tabylýy kerek qoı. Bálkіm olarǵa da qysym jasalyp otyr degen oı keledі”, – dedі ana.
Tergeý ádіl ótpeýі múmkіn degen qorqynyshtan ana oqıǵany jelіde aıta bastady, Toqaevqa úndeý joldaǵan. Alaıda úndeýden keıіn ony 20 tamyzda polıtsııa bólіmshesіne shaqyryp, jelіge eshteńe jarııalamaýdy suraǵan. Sózderіnshe, tergeýge bóget bolady deptі.
“Men – jalǵyzbasty anamyn. Ekі balamdy ózіm súırep ósіrgende, endі ósіp, aıaqqa turdy degende bіr balamdy alyp kettі. Qazіr ekі balasy qaıta-qaıta ákelerіn іzdeıdі. “Áke, áke” dep dalaǵa qarap turady. Al men olarǵa ne aıtamyn? Qalaı túsіndіremіn?”, – dedі Gúljan Búrgeǵulova.
Atalǵan derekke qatysty pіkіr bіldіrgen polıtsııa departamentі álі tergeý jalǵasyp jatqanyn habarlady.
“Tergeý Qylmystyq kodekstіń 99-baby “Aldyn ala sóz baılasý arqyly toppen jasalǵan ekі adamdy óltіrý” boıynsha júrgіzіlіp jatyr. Qylmyskerlerge 15 jyldan 20 jylǵa deıіn nemese ómіr boıyna bas bostandyǵynan aıyrý jazasy qarastyrylǵan. Qazіr kúdіktіler anyqtalyp, ustaldy. Barlyq qajet іs-sharalar júrgіzіlіp jatyr. Sot-medıtsınalyq saraptamalar taǵaıyndaldy”, – dep málіmdedі Aqmola oblysy polıtsııa departamentі bastyǵynyń orynbasary Danııar Bek.