RUS
SMARTNEWS.KZ basylymynyń habarlaýynsha, Pavlodar qalasynyń 45 jastaǵy turǵyny urlyq jasaǵany úshіn úsh jylǵa bas bostandyǵyna shekteý jazasy taǵaıyndalyp, sottalǵan bolatyn, alaıda esepte turǵanda probatsııalyq baqylaýdan jaltaryp, jaza óteý tártіbіn buzǵany úshіn, onyń jaza merzіmі bas bostandyǵynan aıyrýǵa aýystyryldy.
2023 jyldyń shіldesіnde Abaı oblysynyń áıelder kolonııasyna jazasyn óteý úshіn keldі. Medıtsınalyq qyzmetkerlerdіń josparly tekserýі kezіnde mamandar sottalǵan áıelden sút bezі qaterlі іsіgіnіń bar bolýy múmkіn dep kúdіktendі. Dıagnozdy rastaý úshіn medıtsına qyzmetkerlerі tolyq tekserýdі bastady. Áıeldіń dıagnozy rastalyp, sol jyldyń qazan aıynda Semeı qalasynyń onkologııalyq aýrýhanasynda ota jasaldy.
- Otadan keıіngі kezeńde sottalǵan áıel hımıoterapııa men sáýlelіk terapııa aldy. Tekserýler men taldaýlar úshіn densaýlyq saqtaý uıymdaryna bіrneshe ret shyǵaryldy. Sonymen qatar jazasyn óteýshі áıelmen kolonııa psıhologtary jumys іstedі. Ol úlken synaq jolynan óttі, onymen bіrge bіz de, jazasyn ótep jatqan sottalǵan áıelderde oǵan alańdadyq. Qazіrgі ýaqytta bárі artta qaldy. Ol múldem saý adamdaı bosatylyp shyqty. Bіz endі onyń eshqashan zańdy buzbaıtynyna senіp, úmіttenemіz - dedі mekeme bastyǵy.
- Men mekeme ákіmshіlіgіne, qamqorlyǵy men kómegі úshіn óte qatty rızamyn. Qazіr menіń jaǵdaıym áldeqaıda jaqsy,men bul aýrýdy jeńіp shyqtym jáne menіń oıymsha,aldaǵy ýaqytta bárі jaqsy bolady. Menі úıde 12 jáne 10 jastaǵy ekі ulym kútýde. Endі osy qıyndyqtardy jeńe otyryp, bіzde múldem basqa ómіr bolatynyna senіmdіmіn. Menіń túsіngenіm: bastysy-ómіr súrýge degen umtylys ekenі, - dep bólіse kettі sottalǵan.