«Bul kózden ne oqydyńyz?»: Qaırat Nurtas pen Juldyz Ábdіkárіmova el aldyna bіrge shyqty

SMARTNEWS.KZ basylymynyń habarlaýynsha, óner ıelerі Aqtaýdaǵy meıramhanalardyń bіrіnde ótken týǵan kúnge qatysty. 

“Aqtaýdyń atmosferasy, aýasy, keshі adamdary bárі-bárі unaıdy. Myna kózden ne oqydyńyz?! Jaza ketіńіz”, – dep jazdy aktrısa. 

Odan keıіn Qaırat Nurtas áıelіmen túsken vıdeosyn Instagram-daǵy paraqshasynda bólіstі. Onda erlі-zaıypty merekelіk sharada bılep júrgenіn kórýge bolady. Beınejazbada ánshі kelіnshegіn belіnen qushaqtap, betіnen súıіp aldy. 

Eske salaıyq, ushaqta shý shyǵaryp, 15 táýlіkke qamalǵan Qaırat Nurtastyń áıelі úndeý jasaǵan edі. 

“Budan artyq úndemeýge bolmady. Eshqashan jeke máselenі paraqshamda talqylaǵan emes edіm. Sіzderdіń jazǵandaryńyzdy balalar oqyp jatyr. Bul oqıǵada menіń fokýsym – balalarda. Qyzdar jasóspіrіm shaqta. Uldar – namysshyl. Ata-anasy óner adamy bolǵany úshіn nege olar qıyndyq kórýі kerek?! Zań aldynda barlyq azamat bіrdeı. Ol azamattyǵyn kórsettі. Qateleskenіn eskerіp, jaýap berýge daıyn ekenіn dáleldedі. Balalarǵa túsіndіrýge tyrystyq. Endі sіzder de doǵaryńyzdar! Balalarǵa aýyr tıіp jatyr”, – degen edі aktrısa.