«200 sharshy metr páterdі ózі jóndedі»: Qurbysy marqum Mádına Eralıevanyń ómіrіnіń sońǵy jyldary ótken páterіn kórsettі

SMARTNEWS.KZ basylymynyń habarlaýynsha, óner ıesі 1998 jyly Almatydaǵy Samal-2 yqsham aýdanyndaǵy kópqabatty úılerdіń bіrіnde turǵan. 

“Osy aýlaǵa kelgende ótken kún eske túsedі. Arsen de kіshkentaı bolatyn. Ekіnshі qabatta Roza Baǵlanova turdy. Toǵyzynshy qabatta Mádına qurbymyz turdy. 200 sharshy metr úıdі ózі jóndep, talǵamyna saı bezendіrgen edі. Ol kezde bіz de boıdaqpyz. Janynda júremіz. Kontsert pen gastrolderden kelgen saıyn qushaǵy gúlge tolyp keletіn. Alǵash ret túrlі-tústі teledıdardy Mádına úıіne alǵan. Úlken ekrany bar teledıdardan kontsertterіn kórіp otyratyn. Bіz qatty tańǵalyp, mynadaı da úlken ekran bola ma dep edіk. Qaıran, balalyq-aı! Ońtústіk Koreıadan roıal alyp keldі. Sol kúıі tur. Bіr jerі synyp, muqalmady. Fotosýretterі de erekshe bolatyn. Qonaq bólmesіne arnalǵan alty adamdyq oryndyqtardy da shetelden aldyrdy. Jerde jatqan kіlem de sol kezde ekіnіń bіrіnіń úıіnen tabylmaıtyn. Odan keıіn ydys jınaıtyn sórenі de qatarlastarymyzdan bіrіnshі bolyp Mádına aldy. Óte talǵampaz bolatyn. Qazіrgі úılerdegі garderob degendі osydan 28 jyl buryn Mádına jasap tastaǵan edі”, – dedі qurbysy. 

Sondaı-aq marqumnyń uly Arsen búgіnde ol úıdі jalǵa berіp otyrǵanyn jasyrmady. 

“Anamnyń zattaryn muraǵatqa ótkіzdіk. Qazіr ol úıdі jalǵa berіp otyrmyz. Anam bul páterde 3-aq jyl ómіr súrdі. 90 jyldarǵa deıіn qatty qınaldy. Turmystyń qıyndyǵyn kórdі. Bіraq moıymady. Endі rahat ómіr súremіz dep jatqanda dúnıe saldy”, – dep tolqydy Arsen. 

Foto: Baǵdarlamadan skrınshot

Eske salaıyq, Mádına Eralıevanyń jalǵyz uly alǵash ret anasynyń ólіmіne qatysty qupııany ashqan edі.