RUS
SMARTNEWS.KZ basylymynyń habarlaýynsha, jelі qoldanýshysy Túrkııanyń Alanıa qalasyna otbasymen demalysqa barǵan. Bіrde olardyń janyna áshekeı-buıym satatyn dúkennіń qyzmetkerі kelіp ózderіnіń zergerlіk dúkenіne kіrýge keńes bergen.
“Dúken Alara bazarynda ornalasqan. Satýshynyń usynysyn qabyl alǵan soń ol bіzdі dúkenge deıіn aparatyn kólіkpen jetkіzdі. Zergerlіk dúkennen 2 altyn saqına, alqa men 2 bіlezіk satyp aldyq. Áshekeılerde olardyń salmaǵy jazylyp turatyn bırkasy bar edі. Alaıda satyp alǵan soń ol bırkalardy satýshylar alyp qaldy. Al bіz solaı bolýy kerek dep oıladyq. Qazaqstanǵa jetken soń satyp alǵan altyn buıymdardyń salmaǵy bırkadaǵy ólshemmen sáıkes kelmeıtіnіn bіldіk. Zergerlіk dúkender osylaısha adamdardy aldaıdy eken”, – dep jazdy jelі qoldanýshysy.
Aıtýynsha, Bulgari brendіne uqsatyp jasalǵan bіlezіktі 13,73 gramm dep satty. Bіraq úıge kelіp ólshegende onyń salmaǵy 7 gramm bolyp shyqty. Alqanyń bırkasynda 11,73 gramm dep jazylyp turdy. Alaıda onyń naqty salmaǵy 6 gramm eken.
“Osynyń bárіne kózіmіz jetken soń dúkennіń ıesіne habarlastyq. Ol bіzge “altyndy alyp kelіńder, aqshany qaıtaramyz” dep jaýap berdі. Sonda bіz altyndy aparý úshіn Túrkııaǵa qaıta bılet alýymyz kerek. Bassyzdyq qoı”, – deıdі ol.
Áshekeı-buıymnyń altyn ekenіn tekserý úshіn lombardqa da aparǵan. Ondaǵy zergerler buıymdardyń altyn ekenіn, tek salmaǵy jetpeıtіnіn rastaǵan.
Osy jaǵdaıǵa baılanysty otandyq zańger Baltabaı Nurdáýletten sheteldіk saýdagerlerdіń ústіnen shaǵym túsіrіp, jaýapqa tartýǵa bola ma, sony surap bіldіk. Zań ókіlіnіń aıtýynsha, mundaı jaǵdaılar Túrkııa Respýblıkasynyń "Tutynýshylardyń quqyǵyn qorǵaý týraly" №6502 Zańymen retteledі.
“Osy zańnyń 4-babyna saı, aqaýly taýarlar materıaldyq, zańdy, ekonomıkalyq kemshіlіgі bar, sapaǵa áser etetіn, qaptamada, zatbelgіde, kіrіspede jáne paıdalanýshy nusqaýlyǵynda, jarnamalar men habarlandyrýlarda, satýshy habarlaǵan standartta, tehnıkalyq reglamentte tutynýshy kútken maqsat ne boljamdy paıdalaný, paıda turǵysynan qundylyqty tómendetetіn, joıatyn taýarlar aqaýly taýar bolyp sanalady. Sapasyz taýarlardy nemese qyzmetterdі satyp alatyn tutynýshynyń, týrıstіń quqyǵy men mіndetterіne kelsek, tutynýshy nemese týrıst satýshyǵa taýar jetkіzіlgen kúnnen bastap 30 kúnde kemshіlіkter týraly habarlaýǵa mіndettі. Osydan keıіn tutynýshy, týrıst shartty buzýdy jáne tólengen baǵany qaıtarýdy talap etýge quqyly”, – deıdі Baltabaı Nurdáýlet.
Zańger sotqa júgіngen týrıster mundaı jaǵdaılarda "Tutynýshylardy qorǵaý týraly" №6502 zańnyń qorǵaýynda bolady jáne mundaı daýlardy tutyný tórelіgі jónіndegі komıtetter basym tártіppen qaraıtynyn atap óttі.
Shetelde alaıaqtarǵa urynbas úshіn ne іsteý kerek?
Bul erejelerdі tek shetelde altyn satyp alý barysynda ǵana emes, jalpy qymbat buıymdardy alar sátte eskergen jón. Olar:
daıyndaýshy kásіporynnyń ataýy jáne zańdy mekenjaıy;
– Buıymnyń ataýy jáne artıkýly;
– Baǵaly metaldyń ataýy jáne synamasy;
– Ónіmnіń gramdaǵy massasy, gramm baǵasy, ónіmnіń jalpy quny;
– Ónіmnіń mólsherі;
– Kіrіstіrіlgen materıalynyń ataýy jáne onyń tolyq sıpattamasy;
– Salalyq standartty belgіleý (OST 117-3-002-95);
– OTK mórі.
Zańger bul aqparat buıym sapaly bolmaı shyqqanda tutynýshynyń quqyǵyn qorǵaý úshіn qajet bolatynyn aıtty.
Zań ókіlіnіń sózіnshe, satýshynyń bіrden-bіr mіndetі – satylyp jatqan taýardyń habarlamada ne aıtylyp jatqan aqparatyna saı ekenіne tutynýshynyń kózіn jetkіzý. Áshekeı-buıymdardy olardyń sapasyn kórsetetіn arnaıy apparattarmen tekserіp baryp satyp alýǵa keńes berіledі.