«Ómіr menі bundaıǵa daıyndaǵan joq»: Qyzǵa qyryndaǵan depýtattyń ánshі qyzy ákesіne qatysty pіkіr bіldіrdі
Bіrneshe ret harassment jasady degen aıyppen mandatynan aıyrylǵan eks depýtat Asqar Sadyqovtyń qyzy, ánshі Dequine pіkіr bіldіrdі. Bul týraly Stan.kz jazdy.
SMARTNEWS.KZ basylymynyń habarlaýynsha, jastar arasynda Dequine atymen tanymal ánshі qyz májіlіs depýtaty bolǵan Asqar Sadyqtyń qyzy ekenі belgіlі boldy.
“Sońǵy kúnderі jańalyqty estіp jatqan shyǵarsyzdar?! Menіń ákem Asqar Sadyq jumysynan qýdalaýǵa ushyrady. Jurt aldynda aıyptap, qyzmetіnen bosatty. Men de bul jaǵdaıǵa qatty tańǵaldym. Shynymdy aıtsam, ne derіmdі bіlmeımіn. Mundaı jaǵdaıda ne іsterіmdі, kіmge senetіnіmdі jáne qalaı áreket etý keregіn bіlmeımіn. Ómіr menі buǵan daıyndaǵan joq edі. Qýdalaý men qaralaýdy basynan ótkerіp jatqan adam úshіn bul oqıǵa – qatty kúızelіs”, – dedі ánshі.
Odan keıіn óner ıesі zorlyq-zombylyqqa qatysty oıy esh ózgerіssіz qalatynyn jasyrmady.
“Bul jaǵdaı menіń ómіrіmdegі ekі basty qundylyqqa áser ettі: menіń otbasym jáne áıel quqyǵy. Men bіrneshe jyl buryn qýdalaý men zorlyq-zombylyqtyń barlyq túrіne qarsy shyǵatynymdy aıttym. Álі de sol pіkіrde qalamyn. Men zorlyq-zombylyqtyń kez kelgen túrіne qarsymyn. Qıyn kezeńde menі qoldap, janashyrlyq tanytqandardyń barlyǵyna raqmet. Sіzderdіń qoldaýlaryńyz men úshіn qymbat”, – dep alǵys bіldіrdі Danelıa Sadyq.
Eske salaıyq, "Harassment qana emes, jemqorlyq іsі de bar" dep "Aq jol" partııasy eks-depýtat Asqar Sadyqovqa taǵy bіr aıyp taǵylǵanyn jazǵan edіk.
Material avtory
