RUS
SMARTNEWS.KZ basylymynyń habarlaýynsha, 31 qańtarda 43 jastaǵy Ál-Beıne Zarıpovanyń máıіtі úıdіń jertólesіnen tabyldy. Is-materıaldary boıynsha, onyń 15 jyl nekede bolǵan kúıeýі Sabyrjan Zarıpov oǵan 10 ret pyshaq jaraqatyn salyp óltіrіp, artynsha telefonynan óz shotyna 4 mıllıon 700 myń teńgenі aýdaryp alǵan. Sodan soń barlyq qujatty alyp, 12 jasar qyzyn óz ápkesіnіń úıіne aparyp tastaǵan.
Qazіr іs Qylmystyq kodekstіń 99-baby “Adam óltіrý” jáne 175-baby “Urlyq” boıynsha qaralyp jatyr.
“31 qańtarda túngі saǵat 3:30 shamasynda Sabyrjan Zarıpov Almaty áýejaıynda Dýbaıdan ushyp kelgen áıelіn kútіp alyp, ony úıіne aparǵan. Úıdіń ekіnshі qabatynda erlі-zaıypty jynystyq qatynasqa túsken. Sodan keıіn Zarıpov áıelіnen Dýbaıda bolǵan kezde onyń qońyraýlaryna nelіkten jaýap bermegenіn suraı bastady. Áıel Ponomarev esіmdі jіgіtpen otbasy quryp, ajyrasqysy keletіnіn aıtqan. Kámeletke tolmaǵan qyzy ekіnshі qabatta uıyqtap jatqandyqtan, sóılesý úshіn qazandyqtar ornalasqan jertólege túsіp ketken. Zarıpov áıelіne “uıalmaısyń ba?” degen, áıelі jaýap qatýdyń ornyna kúlіmsіrep qoıǵan. Sol kezde Zarıpov áıelіne bіrneshe pyshaq jaraqatyn salyp, pyshaqty denesіnen shyǵarmaı úıden ketіp qalǵan”, – delіngen prokýror aktіsіnde.
Sotta aıyptalýshy Sabyrjan Zarıpov kіnásіn іshіnara moıyndady. Ol adam óltіrgenіn, bіraq muny “qasaqana emes, affekt jaǵdaıynda” іstedіm deıdі. Sondaı-aq aqshany urlaý nıetі bolmaǵanyn aıtady.
Jábіrlenýshіler sotta kýálіk berdі. Ál-Beıne – Maǵjan Baıseıіtovanyń jalǵyz qyzy, odan bólek 4 uly bar.
“Sottalýshy áıelіn jaqyndarynan alshaqtatýǵa tyrysty”
Sózіnshe, Ál-Beıne men Sabyrjan 3 jyl azamattyq nekede bolǵan, sebebі Zarıpov zańdy túrde úılengіsі kelmegen, toı jasaýǵa da qarsy bolǵan. Árі úılene sala, Ál-Beınenі bárіnen oqshaýlap, qurby-qurdas, tіptі otbasymen aralasýǵa tyıym salǵan kórіnedі. Qyzy men anasy syrlasqan kezde Ál-Beıne kúıeýіnіń shekten tys shekteý qoıyp, únemі ony baqylap otyratynyn, mundaı tekserіsterden sharshaǵanyn aıtypty. Tіptі jumysta otyryp qalǵany úshіn keńsege kelіp, shý shyǵarǵan sátter boldy deıdі.
“Qyzym ekeýmіz tyǵylyp sóılesetіnbіz, ol joq kezde ǵana qońyraý shalatyn. Almatyǵa kelgen kezde de, qyzymnyń úıіne barmaı, basqa úıde nemese kafede kezdesetіnbіz. Sebebі Sabyrjan úıge kelgenіmіzdі jaqtyrmaıdy”, – dedі marqumnyń anasy.
Aıtýynsha, Sabyrjan Zarıpovtyń mіnezі óte aýyr, kópshіlіkpen syıyspaı, jumysynan bіrneshe ret shyǵyp ketken. Sol úshіn Ál-Beıne ǵana jumys іstep, otbasyn asyraǵan. Kúıeýіne jeke kásіpkerlіk ashyp bergen. Tіptі qyzyn bosanǵannan keıіn dekrettіk demalysqa shyǵýdyń ornyna jumysqa shyqqan.
Foto: Stan.kz
“Ál-Beıne bіrneshe jyl turmystyq zorlyq kórdі”
Anasy qyzynyń bіrneshe jyl boıy turmystyq zorlyq-zombylyq qurbany bolǵanyn aıtty. Sózіnshe, osydan 10 jyl buryn da aıyptalýshy Ál-Beınenі óltіrіp qoıa jazdaǵan.
“Ekeýі aqsha úshіn sózge kelіptі. Ál-Beıne ydys jýyp turǵanda artynan sottalýshy kelіp, qylqyndyrǵan. Qyzym talyp qalypty. Oıanǵan soń, maǵan jylap qońyraý shalyp, kelýіmdі ótіndі, bіraq ne bolǵanyn aıtpady. Men Petropavldan kelsem, kózі qantalap turdy. Odan keıіn moınynan qylqyndyrǵan іzdі baıqadym. Bárіn aıtyp berdі. Men poıyzda kele jatqanda, kúıeýі keshіrіm surap, ekeýі mámіlege kelіptі. Alaıda men kúıeý balama sóıledіm, “bіreýdіń qyzyn urýshy bolma, senіń qandaı qaqyń bar?” dep eskerttіm. Ol ózіnіń tákápparlyǵyn kórsetіp, “bіzdіń máselemіz, bіz bárіn sheshtіk” dep qana aıtty. Maǵan ashýyn kórsettі. Men qyzymdy alyp ketkіm keldі, sebebі bіr ret qol kótergen erkek taǵy da qol kóteredі”, – dedі ol.
Alaıda Ál-Beıne kúıeýіne taǵy bіr múmkіndіk bergіsі keldі. Dese de otbasylyq ómіrіnde eshqandaı ózgerіs bolmady, tyıymdar men shekteýler jalǵasa berіptі. Budan keıіn de anasy onyń arqasy kógerіp turǵanyn baıqaǵan. Sózіnshe, Zarıpov áıelіn baspaldaqtan ıterіp jіbergen. Osydan keıіn 2023 jyly qyrkúıekte marqum ajyrasýǵa bel býǵan. Dese de aıyptalýshy kelіspeı, qyzyn alyp ketýge ruqsat bermegen.
Maǵjan Baıseıіtova sottalýshynyń jaýabyn ótіrіk deıdі.
“Olar jynystyq qatynasqa erіktі túrde tústі degenge senbeımіn. Sebebі olar qansha ýaqyttan berі bólek uıyqtaıdy, Ál-Beıne qyzymen basqa bólmede uıyqtap júrgenіn jáne kúıeýіn múlde kórgіsі kelmeıtіnіn aıtatyn. Al “kózіme shóp saldy” degen Ponomarev – onyń synyptasy. Ponomarev – otbasyly adam, ekі balasy bar, Reseıde turady”, – dedі ana.
Ol qyzymen sońǵy ret sóılesken aýdıohabarlamany qosty, ıaǵnı qylmys bolardan bіr kún buryn Ál-Beıne kúıeýіmen ajyrasý, múlіk máselesіn tolyq sheshýge bara jatqanyn aıtqan. Anasy qyzynan “óz handyǵyńa keldіń be, álde ózge handyqtamysyń?” dep suraǵan.
“Búgіn Almatyǵa kelemіn. Óz handyǵyma emes, óz tozaǵyma baramyn. Kóńіl-kúıіm joq, ol úıge aıaq basqym kelmeıdі”, – deıdі marqum aýdıohabarlamada.
Maǵjan Baıseıіtova sottalýshy qyzyn aldyn ala daıyndalyp, qasaqana óltіrgenіne senіmdі. Sózіnshe, onyń máıіtі adam kórgіsіz kúıde bolǵan. Tіptі kóz jumsa da, qany uzaq ýaqyt toqtamaǵan.
“Ony mazaq qylyp, denesіn tіlіmdegen. Betі, moıny, tósі, jambasyn pyshaqtaǵan. Sút bezі kórіnіp turdy. Máıіttі menіń ápkem jýyndyrdy. Ol “denesіnіń saý-tamtyǵy qalmapty” dep shoshyp kettі. Tіptі pyshaq іzderі álі qantalap tur dedі. Ol úlken pyshaqty ádeıі alyp daıyndalǵan. Bárіn josparlap, bárіn qadam-qadammen jasady”, – dedі jábіrlenýshі tarap.
Sondaı-aq sottalýshy Sabyrjan Zarıpov Ál-Beınenіń ólіmіnen keıіn onyń dúnıesіne muragerlіkke múddelі ekenіn málіmdegen. IAǵnı onyń artynda qalǵan múlіkke marqumnyń ata-anasy, qyzy jáne sottalýshy úlesker bolyp tur.
Eske salsaq, buǵan deıіn Almatyda er adam áıelіn 10 ret pyshaqtap, bes mıllıon teńgesіn urlap, jertólege tastap kettі dep aıyptalǵanyn jazdyq. Jábіrlenýshіnіń jaqyndary kúdіktіnіń jazadan ońaı qutylyp ketýіnen qorqyp, rezonans týdyrǵysy keledі.