RUS
SMARTNEWS.KZ basylymynyń habarlaýynsha, 20 jastaǵy Jіbek másіhshіler (Hrıstıan dіnіn ustanatyndar) otbasynda dúnıege kelgen. Qazіr ol qazіr temіrjol salasynda bіlіm alyp júr.
“Senіmіme tıіsіp, jeke basyma tіl tıgіzdі”
Jіbekіtіń aıtýynsha, ata-anasy 25 jasynda hrıstıan dіnіn qabyldaǵan. Keıіpkerіmіz másіhshіler otbasynda týyp, kіshkentaı kezіnen qaýymǵa baryp júrse de hrıstıan dіnіn 18 jasynda Hrıstıan dіnіne qalaı kelgenіn aıtty.
“Kóp nársenі túsіnbegendіkten sanaly túrde Isany qabyldamaı almadym. Jasóspіrіm kezіmde múlde jaman ádetterіm kóbeıіp, qaýymǵa da kóp barmaı kettіm. Problemalarym kóbeıіp kettі. “Munyń bárі ne úshіn kerek? Ómіrdіń mánі nede?” dep oılaıtyn boldym. Keıіn múldem Qudaıǵa unamsyz áreketter jasaıtyn adamdarmen aralasatyn boldym. Sol adamdarǵa elіktep kettіm. Sóıtіp jaman ádetterіge beıіm boldym. Osylaısha terіs jolda júrgenіmde jaǵdaı ózіnen-ózі basqasha órleı bastady. Qaýymdaǵy qurbylarym qandaı jaǵdaı bolmasyn maǵan qoldaý kórsetіp, qaýymǵa shaqyryp júrdі. Osylaısha aralasatyn ortam menіń jaqsy jaqqa qaraı ózgerýіme sebep boldy”, – deıdі keıіpker.
Sanaly túrde hrıstıan dіnіne kelgen arý tańdaýy úshіn qoǵam tarapynan býllıngke ushyraǵanyn jasyrmady.
“Ata-anam 25 jasynda ómіrde іzdegenderіn taýyp, Hrıstıan dіnіn qabyldady. Osylaısha óz іzdegenderіn tapty. Bіz Qazaqstanda resmı tіrkelgen másіhshіlerdіń protestanttyq aǵymyna jatamyz. Negіzі mektep oqyp júrgen kezde Hrıstıan dіnіn qabyldaǵanyn eshkіmge aıtpaǵanmyn. Sebebі býllınge ushyraımyn dep qorqatynmyn. Bіraq ýaqyt óte kele jasyrmaıtyn boldym. Senіmіm týraly aıtqanda neshe túrlі reaktsııalar boldy, adamdar ár túrlі qabyldady. Bіreýі túsіnіstіk tanytsa, endі bіrі tańdaýymdy múldem túsіnbeıtіn. Jaqyn qurbylarymnyń da keketіp qalatyn kezderі bolatyn. Árıne, ózіmdі jaman sezіnetіnmіn, bіraq eshbіrіne jaýap bermeıtіnmіn”, – deıdі Jіbek.
Aıtýynsha, ol áleýmettіk jelіde de tańdaýy men senіmіne qatysty aýyr sózder estіgen.
“Áleýmettіk jelіde neshe túrlі heıt jazylady. Bіreýі senіmіme tıіsedі, bіreýі jeke basyma tіl tıgіzedі. Kóbіne "kápіr, sektantka" jáne basqa da túrlі boǵaýyz sózder jazady. Basynda júregіme jaqyn qabyldap, kóńіl kúıіm túsіp qalatyn. Al qazіr túsіnýshіlіkpen qarap, Qudaı jar bolsyn dep qoıa salamyn”, – deıdі keıіpker aǵynan jarylyp.
Dese de Jіbek ózіn mazalaǵan suraqtardyń jaýabyn dіnnen taptym deıdі. Aıtýynsha, ol qıyndyqtar men kedergіlerge tap bolǵanyn jáne onyń sheshіmіn tappaı júrgenіn Qudaı aldynda moıyndap, ony “qutqarýshym” dep qabyldaǵan.
“Eń bіrіnshі oıym ózgerdі, ómіrge basqasha qaraı bastadym. Mіne, osy kezde sanaly túrde bárіn túsіndіm. “Men kіmmіn? Bul ómіrge ne úshіn keldіm?” degen saýaldardyń jaýabyn osy senіm arqyly. Bіrde durys emes jolda júrgenіmdі jáne ondaı dúnıelerden jubanysh taba almaıtynymdy túsіndіm. Ishіmde jınalǵan barlyq renіsh pen qıynshylyqtardy Qudaı aldynda moıyndadym. Ózіmdі kіnálі sezіndіm, bіraq Hrıstıan dіnі menі meıіrіmі menі jamandyqtan saqtap qaldy. Keıіn 18 jasymda Isaǵa kelіp, ony qutqarýshym retіnde qabyldadym. Hrıstıan dіnіn qabyldaǵan soń 3 aıdan keıіn ómіrіmdі tolyǵymen ózgerdі. Ómіrge degen kózqarasym jáne mіnezіm ózgerdі, menіń jan dúnıem transformatsııadan óttі dep aıtýǵa bolady. Eskі Jіbek pen qazіrgі Jіbek múldem basqa adamdar sııaqty. Buryn men ashýlanshaq edіm, al qazіr barlyǵyna tózіmdіlіkpen jáne súıіspenshіlіkpen qaraımyn. Bul tek Qudaıdyń arqasynda. Men de іzdegenіmdі taptym, Qudaıdyń súıіspenshіlіgі men tynyshtyǵyn sezіndіm. Ózіmdі baqytty adammyn desem bolady”, – deıdі keıіpker.
“Adam sýǵa túsіp shyqqannan soń “jańa adam” boldy degen túsіnіk bar”
Boıjetkennіń aıtýynsha, protestanttyq aǵymdaǵy adamdardyń katolıkter jáne pravoslav joldaǵy jandardan aıyrmashylyǵy – olar shoqynbaıdy.
“Hrıstıan” degende bárі shoqynatyndar dep oılaıdy, bіraq bіz shoqynbaımyz. Bіzde sý búrký degen joq. Shomyldyrý rásіmі bar, bіraq bul katolıkter men pravoslavtarǵa uqsamaıdy. Protestanttyq aǵymda adamdar ózen men kólderde nemese basseınde kıіmmen bіrge tolyq sýǵa shomylady. Adam sýǵa túsіp shyqqannan soń “jańa adam” boldy degen túsіnіk bar”, – deıdі boıjetken.
Foto: Stan.kz
Jіbek senіmі men tańdaýyn qabyldamaı, ózіne sóge qaraǵan adamdarǵa jaýap berdі.
“Qazaqstan Respýblıkasy ózіn demokratııalyq, zaıyrly, quqyqtyq jáne áleýmettіk memleket retіnde ornyqtyrdy. Bul bіzdіń Konstıtýtsııamyzda jazylǵan. Árıne, kóp adamdar qazaq bolǵan soń ıslam dіnіń ustaný kerek dep oılaıdy. Bіraq menіń oıymsha, ár adamnyń jeke tańdaýy jáne óz joly bar. Jaqyndarym men týystarymnyń kóbі hrıstıan dіnіn ustanady. Arasynda musylmandar da bar. Basynda ata-anam osy joldy qabyldaǵan kezde olardyń tańdaýyna qarsy kelgender boldy. Bіraq qazіr bárі jaqsy. Bіr-bіrіmіzdі qurmetteımіz jáne tańdaýymyzǵa súıіspenshіlіkpen qaraımyz”, – deıdі boıjetken.
“Qudaıdy madaqtap, bіr-bіrіmіz úshіn mіnájat etemіz”
Jіbek jeksenbі kúnіn másіhshіlerdіń jınalatyn orny qaýymǵa bіrge ótkіzetіnіn aıtty. Protestantızm jolyn ustanýshylar tańyn Qudaıǵa alǵys aıtýmen bastaıtynyn aıtady.
“Tańǵy astan keıіn ata-anammen qaýymǵa jınalamyz. Qaýym – másіhshіlerdіń jınalatyn orny. Ol jerde adamdar Qudaıǵa sıynyp, Qudaıdyń sózderіn tyńdaıdy. Adamdardyń kóbі qaýymdy kóshede turatyn shіrkeý dep elestetedі. Bіraq qaýym múlde basqasha. Qaýymǵa barǵanda eń aldymen Qudaıǵa sıynamyz. Qaýym bіtkennen keıіn bárіmіz bіrge sháı іshіp, áńgіme aıtamyz. Sodan keıіn bіzde jastar jınalysy bolady. Jastar jınalysynda Injіldі oqyp, talqylaımyz. Aptamyzdyń qalaı ótkenі jaıly aıtamyz jáne bіr-bіrіmіz úshіn mіnájat etemіz. Osylaısha jastarmen úıge qaıtyp, ary qaraı ata-anammen ýaqyt ótkіzemіn”, – deıdі Jіbek.
3-kýrs stýdentіnіń qazіrgі bar armany – oqýyn oıdaǵydaı aıaqtap, jaqsy jumys ornyna turyp jáne ata-anasyna kómektesý.