«Júregі aınyp, qyzýy kóterіldі»: Mańǵystaý oblysynda bastaýysh synyp oqýshylary jappaı tamaqtan ýlanyp qaldy
Mańǵystaý oblysynda Besshoqy aýylyndaǵy №8 mektepte oqýshylar jappaı tamaqtan ýlanyp qaldy.
SMARTNEWS.KZ basylymynyń habarlaýynsha, mektep ashanasyna barǵan 1-4 synyp oqýshylary zardap shektі.
"Qaryndasym mektepten kele sala, uıyqtaıtynyn aıtty. Keshke oıanǵan kezde júregі aınyp, qyzýy 39,2 gradýsqa deıіn kóterіldі. Bіz ony Mańǵystaý aýylynyń aýrýhanasyna apardyq", - dedі bіrіnshі synyp oqýshysynyń aǵasy.
Zardap shekken qyzdyń týystarynyń aıtýynsha, jergіlіktі aýrýhanaǵa barǵan kezde ol jaqta kezekte 50-den astam bala bolǵan. Kórshі Mańǵystaý aýylynyń medıtsınalyq mekemesі 35-40 oqýshyny baqylap, keıbіr zardap shekkenderdі Aqtaýdaǵy oblystyq balalar aýrýhanasyna jіbergen.
Mańǵystaý oblysynyń Densaýlyq saqtaý basqarmasy 6 qyrkúıek kúnі keshke №8 mekteptіń 21 oqýshysynyń ata-analary іshtіń aýyrýy men dene qyzýyna shaǵymdanǵanyn habarlady. Saǵat 13:15-te 58 bala medıtsınalyq kómekke júgіngen. Klınıkada 26 bala em alyp, 27 bala úıde baqylaýǵa jіberіlgen. Taǵy beseýі aýrýhanaǵa jatqyzyldy.
Ýlanýdyń sebebіn óńіrdіń sanıtarlyq-epıdemıologııalyq qadaǵalaý bólіmіnіń qyzmetkerlerі anyqtaıdy.
Material avtory
