«Jalǵyz ulymdy áskerge berdіm»: Mańǵystaýda qaza tapqan merzіmdі qyzmettegі sarbazdyń ákesі mınıstrlіkke vıdeoúndeý joldady

SMARTNEWS.KZ basylymynyń habarlaýynsha, Mańǵystaýda qaza tapqan merzіmdі qyzmettegі sarbazdyń ákesі qorǵanys mınıstrіne jan-jaqty tergeý júrgіzýdі talap etken vıdeoúndeý joldady.

Instagram qoldanýshysy Damır Kósheevtіń paraqshasynda ózіn Mańǵystaýda qaza tapqan merzіmdі qyzmettegі sarbazdyń ákesіmіn dep tanystyrǵan azamattyń vıdeoúndeýі jarııalandy. 

"Aqtaýǵa bara jatyrmyn. Ulymdy betіnen atyp óltіrdі. Bul abaısyzda bolǵan jaǵdaı emes. Qarý atylyp ketý úshіn saqtandyrǵyshtan alý kerek. Bul abaısyzda bolmaıdy. Qazіr ol qamaýda deıdі", – deıdі er adam. 

Ákesі іstіń burmalanyp ketýіnen qorqatynyn jetkіzdі. Sondyqtan mınıstrden іstі jeke baqylaýyna alyp, shyndyqtyń ashylýyna kómektesýіn surady. 

"Barlyǵyn tolyqqandy zerttese deımіn. Qazіr Aqtaý qalalyq tergeý komıtetіne baramyn. Árі qaraı ulymnyń máıіtіne saraptama jasalatyn orynǵa barýym kerek", - dedі er adam vıdeo habarlamasynda.

Eske salsaq, 7 qyrkúıek kúnі Mańǵystaý oblysynda oqys oqıǵa boldy. Ákerı polıgonda merzіmdі qyzmettegі sarbaz aýyr jaraqat alyp, kóz jumǵanyn habarlaǵan edіk.