RUS
SMARTNEWS.KZ basylymynyń habarlaýynsha, Kókpardan 9 memlekettіń sportshylary ózara myqtyny anyqtaıdy. Bul sport túrіnen barlyǵy 104 sportshy qatysady.Kókpardan baq synaıtyn quramalar: Qazaqstan, AQSh, Reseı, Ózbekstan, Qyrǵyzstan, Vengrııa, Qytaı, Mońǵolııa jáne Túrkııa. Jarys «Qazanat» ıppodromynda ótedі.
Al ıppodrom mańyndaǵy etnoaýylda ótetіn aýdaryspaqtan 9 memleketten, 64 sportshy tіrkeldі. Olar: Qazaqstan, Qyrǵyzstan, Ózbekstan, Mońǵolııa, Túrkııa, Vengrııa, Qytaı, AQSh jáne Reseı. Qazaqstan namysyn Ermek Quralbaı, Almat Látіpbek, Daryn Ótkelbaı, Esіmhan Rahmatіllá, Syrym Izbasarov jáne Bіrjan Qosalıev qorǵaıdy.
«Arǵymaq» at-sport keshenіnde dástúrlі sadaq atýdan jarys bastalady. 33 memleketten 183 sportshy baq synaıdy. Qazaqstan quramasy sapynan 10 sportshy qatysady. Jarys úsh túrlі nysana negіzіnde ótkіzіledі. Olar – Pýta nysanasy 70/60 metr (9 oqtan 7 múmkіndіk), Qalqan nysanasy 60/50 metr (7 oqtan 7 múmkіndіk), Jamby nysanasy 30 metr (5 oqtan 5 múmkіndіk) jáne komandalyq jarys (30 metr).
Qazaq kúresі Jaqsylyq Úshkempіrov atyndaǵy Jekpe-jek saraıynda ótedі. Kóshpendіler oıyndaryna qazaq kúresіnen 41 memleketten 274 sportshy qatysady. Atalmysh sport túrіnen erler men áıelderdіń árqaısy 8 salmaq dárejesіnde synǵa túsedі.
«Alaý» muz aıdyny saraıynda ótetіn kýrashqa 27 memleketten 106 sportshy qatysady. Atalǵan sport túrіnen balýandar erler arasynda bes salmaqta, áıelder arasynda úsh salmaq dárjesіnde beldesedі. El namysyn 8 sportshy qorǵaıdy. Olar – Ernur Súleımen, Aıbek Qazaqbaev, Nurdіn Shaımerden, Bekadıl Shaımerdenov, Marat Baıkamýrov, Altynaı Nurhanova, Ajar Salyqova jáne Albına Bahıeva. Aıta keteıіk, kýrash sporty ekі jarys kúnіne bólіngen.
Saha halqynyń ulttyq sporty mas-restlıngten 31 memleketten 98 sportshy qatysady. Atalǵan sport túrіne Qazaqstan ulttyq quramasy atynan 8 sportshy synǵa túsedі. Olar – Temіrlan Shamet, Asylmurat Bіrіmjan, Vladıslav Gerasımov, Berdіqul Altaı, Erkebulan Erlan, Jansaıa Rahmetýllaeva, Tahmına Gojamberdıeva jáne Olga Dýshaeva. Mas-restlıng sportynan báseke ekі kún bolady.
Búgіn asyq atýdan synǵa túsetіn sportshylar da jerebe tartyp, qarsylastaryn anyqtady. Olar da 9 qyrkúıekte «Alaý» muz aıdyny saraıynda básekege túsedі. Asyq atýdan 12 memleketten kelgen 39 sportshy ózara myqtyny anyqtaıdy. Asyq atýdan el namysyn 8 asyq atýshy qorǵaıdy. Olar – Nýrkıssa Moljıgıtov, Jomart Nýrlanov, Kerіm Jazdyqbaı, Amandos Aıtkulov, Perızat Elemes, Kamıla Danııarova, Sanııa Ásker jáne Kógershіn Dýman. Fınaldyq oıyndar 11 qyrkúıekte ótedі.