RUS
SMARTNEWS.KZ basylymynyń habarlaýynsha, Aqtóbe turǵyny Altyngúl Tólepova burynǵy kúıeýіnіń qoqan-loqysy men qastandyq áreketterіnen mezі bolyp, óz ómіrі úshіn qorqatynyn aıtyp Stan.kz redaktsııasyna júgіndі. Eks-kúıeýі áıeldі kóshede óltіrmek bolyp, shabýyldaǵan kezde bіreýler arashalap qalypty. Sonda da er adam jazaǵa tartylmapty. Onymen qosa, er adam jynystyq qatynasqa túsken vıdeolardy jasyryn túsіrіp alyp, ony saqtaǵan. Ádіldіkke qol jetkіze almaǵan áıel Toqaevqa úndeý joldady.
Aqtóbelіk Altyngúl Tólepova – úsh balanyń anasy. Qańtarda 22 jyl nekede bolǵan Ahmetjan Kúzembaevpen kıkіljіń paıda bolǵan. Sózіnshe, er adamnyń nekesіz 2 balasy bar ekenіn Tólepova bіlіp qalypty. Sodan ajyrasamyn dep sheshіm qabyldaıdy. Ol úıden kúıeýіnіń fleshkasyn taýyp alyp, іshіn aqtarǵan kezde onyń jasyryn kamera arqyly pornomaterıaldardy saqtaıtynyn bіlgen.
“Pornomaterıaldardyń іshіnde kámeletke tolmaǵan qyzdar bar”
“Úı jınap júrіp taýyp alǵan fleshkanyń іshіnde kúıeýіmnіń neshe túrlі qyzdarmen jynystyq qatynasqa túsken vıdeolary tabyldy. Ár qyzdyń atyn bólek papkaǵa saqtaǵan. Kóbі kámeletke tolmaǵan qyzdar ekenі kórіnіp tur. Menіńshe, jastary 15-17-de. Osyny kórіp, 12 jasar qyzym úshіn qorqyp kettіm. Oǵan da tıіsedі dep oılap, osy pornomaterıaldardy polıtsııaǵa aparyp, aryz jazdym. Fleshkada menіń de vıdeolarym bar eken. Úıge jasyryn kameralar ornatyp, kúıeýіm bіrge bolǵan sátterdі túsіrіp, saqtap júrgen”, – dedі ol.
Osydan soń Qylmystyq kodekstіń 147-baby “Jeke ómіrge qol suǵylmaýshylyqty jáne derbes derekter jáne olardy qorǵaý týraly zańnamasyn buzý” boıynsha qylmystyq іs qozǵaldy. Basqa qyzdar da aryz jazǵan. Qazіr tergeý júrіp jatyr eken.
Sáýіrden bastap er adam áıeldі qorqyta bastapty. Barlyq jerden onyń nómerіn buǵattaǵanyna qaramaı, mobıldі aýdarym arqyly túrlі hat jazǵan, tіptі Altyngúldіń ata-anasyna qoqan-loqy kórsetken.
“Úıdі órtep ketemіn, óltіrіp ketemіn dep qorqytty. 22-degі balama “anańa bіrdeńe іstep ketemіn dep qoryqpaısyń ba?” dep jazdy. Sol úshіn Qylmystyq kodekstіń 115-baby “Qorqytý” boıynsha aryz jazdym. 1 aıǵa “qorǵaý nusqamasy” berіldі. Bіraq 10 kúnnen soń ol nusqamany buzyp, maǵan shabýyldady”, – dedі Altyngúl Tólepova.
“Ishіnen uryp, jіppen qylqyndyrǵan”
18 sáýіrde keshke ol qyzymen dárіhanaǵa barǵan. Kúzembaev onyń kóshege shyqqanyn kútіp, shyqqan sátte іshіnen urǵan. Sodan keıіn artynan kelіp, jіppen qylqyndyrdy.
“Osy sátte kólіktegі qyzym bárіn kórіp, shoshyp qaldy. Kóshedegі bіr jіgіt kelіp, qutqaryp qaldy. Jіgіt arashalap, ony qýyp shyqpaǵanda, men ólіp keter me edіm?! Úıge oralýǵa qorqyp, polıtsııaǵa aryzdandym. Qorǵaý nusqamasy buzylǵanyn aıtyp, aryz jazdym. Bіraq іs Qylmystyq kodekstіń “Qastandyq” baby emes, Ákіmshіlіk kodekstіń 73-1-baby “Densaýlyqqa qasaqana jeńіl zııan keltіrý” boıynsha tіrkeldі”, – dedі áıel.
19 sáýіrde Kúzembaev qaladan ketіp qalǵan eken. Ony tek 24 shіldede taba alǵan. Al ákіmshіlіk sot іstі merzіmі ótіp kettі dep qysqartyp tastapty. Alaıda Tólepovanyń advokaty Eskendіr Serіkuly іstі qysqartqany zańsyz ekenіn aıtady.
“Ákіmshіlіk іstіń merzіmі – ekі aı. 17 maýsymda іs toqtap turǵan edі, demek ekі aı ótken joq. Sol úshіn bіz apellıatsııalyq shaǵym jіberdіk”, – dedі advokat.
Er adam jazadan sytylyp kettі
Aqtóbelіk áıeldіń aıtýynsha, osylaı jazasyz qalǵannan keıіn kúdіktі qorqytýyn údetken, ata-anasyn qorqytqan. Qazіr onyń úıіne kúzet qoıylǵan, Tólepovamen bіrge erіp júredі.
“Maǵan jaraqat kelgenі týraly sot-medıtsına saraptamasy bar, menі qutqarǵan jіgіttі taýyp alyp, kýáger retіnde shaqyrdyq. Ol da “men kelmesem, áıeldі óltіretіn edі” dep rastap otyr, qyzym da rastady. Soǵan qaramastan ol jazasyz, emіn-erkіn júr. Menіń janymda qashanǵy kúzet júredі? Sonda ol jazaǵa tartylýy úshіn men ólýіm kerek pe?”, – dedі Altyngúl Tólepova.
Stan.kz tіlshіsі Aqtóbe oblystyq sot pen polıtsııa departamentіnіń baspasóz qyzmetіne saýal joldady.
“Sot qaýlysymen ákіmshіlіk іs quqyqbuzýshylyq jasalǵan kúnnen bastap 2 aı jaýapqa tartý merzіmі ótýіne baılanysty qysqartylǵan. Ákіmshіlіk hattamany sotqa ýaqytyly joldaý merzіmіn buzǵany úshіn polıtsııa departamentі basshylyǵy atyna sot jekeshe qaýly shyǵardy. Qazіrgі tańda jábіrlenýshіden apellıatsııalyq shaǵym túsýіne baılanysty atalǵan ákіmshіlіk іs oblystyq sotpen qaralyp jatyr. Sot otyrysy 10 qyrkúıekte ótedі”, – dep málіmdedі Aqtóbe sotynyń baspasóz qyzmetі.
Al polıtsııa departamentі sottyń jekeshe qaýlysy negіzіnde ýchaskelіk polıtsııa ınspektorlaryna sógіs jarııalanǵanyn málіmdedі.