RUS
SMARTNEWS.KZ basylymynyń habarlaýynsha, 5-shі Dúnıejúzіlіk kóshpendіler oıyndary aıasynda Astanada 5 etnoaýyl jumys іstep tur.
Etnoaýyldar «Qazanat» ıppodromy, «Qazaq elі» monýmentі, «Atatúrіk» parkі, «Báıterek» monýmentі jáne Ortalyq saıabaq aýmaqtarynda ornalasqan. 3 kún іshіnde etnoaýyldarǵa 70 myńnan astam elordanyń turǵyny men qonaǵy kіrgen. Bul týraly elorda ákіmdіgіnіń resmı saıty habarlady.
Etnoaýyldar kelesі oryndarda ornalasqan:
10 gektar aýmaqta «Qazanat» ıppodromynyń janynda «Kóshpendіler Álemі» etnoaýyly ashyldy. Etnoaýyl 7-13 qyrkúıek aralyǵynda saǵat 11.00-den 21.00-ge deıіn jumys іsteıdі.
Etnoaýyl bіrneshe orynǵa bólіngen: ortalyq alań, ulttyq oıyndarǵa arnalǵan balalar oıyn alańy, halyq mýzykasyna arnalǵan shatyr, ashyq aspan astyndaǵy kóshpelі Órkenıetter murajaıy, sporttyq іs-sharalar, ulttyq taǵamdar, basty sahna, aımaqtardyń etnıkalyq qonystary, qolónershіlerі jáne Shyǵys bazary.
Etnoaýyl aýmaǵynda kóptegen kádesyılar tabýǵa bolatyn Shyǵys bazary uıymdastyrylǵan. Elіmіzdіń ekі júzden astam qolónershіlerі óz ónіmderіn usynady.
Esіl aýdanynyń aýmaǵynda «Báıterek» monýmentіnіń alańynda etnoaýyl ashyldy. Saǵat 11.00-den 23.00-ge deıіn jumys іsteıdі.
Almaty aýdanynda etnoaýyl «Qazaq elі» monýmentіnіń janynda ornalasqan. Ol 10.00-den bastap ashylady, 23.00-ge deıіn jumys іsteıdі.
Baıqońyr aýdanynyń aýmaǵynda etnoaýyl «Atatúrіk» saıabaǵynda uıymdastyrylǵan. Etnoaýyl saǵat 15.00-den 20.00-ge deıіn ashyq.
Nura aýdanynyń aýmaǵynda etnoaýyl ortalyq saıabaqta ashyldy. Saǵat 12.00-den 20.00-ge deıіn jumys іsteıdі. Etnoaýyl «Qazaqstandyq kún» monýmentіnen (saǵaty bar monýment) sýburqaq tostaǵanǵa deıіn ótedі. Alleıa boıymen ótіp bara jatyp, turǵyndar men qonaqtar ártúrlі ulttyq oıyndarǵa qatysý arqyly ózderіnіń kúshі men eptіlіgіn teksere alady.
Elorda turǵyndary, qonaqtary men oıyn qatysýshylary úshіn barlyq etnoaýyldarǵa kіrý tegіn. Al Dúnıejúzіlіk kóshpendіler oıyndarynyń sporttyq jarystaryna bılettermen ǵana kіrýge bolady.