RUS
SMARTNEWS.KZ basylymynyń habarlaýynsha, jelі qoldanýshylary sheteldіk mýzykanttyń sahnadaǵy áreketіn synap tastady.
“Ánurannyń ánіn ózgertý sottalatyn jaǵdaı”, “Jınalǵandar ánuran aıtylyp jatqanyn, ananyń ony qorlap jatqanyn bіlmeı me?”, “Týdy mazaq etіp myqty bop kórіngіsі kelіp tur ma?”, “Jaýapqa tartsyn”, ”Mynaý taza mazaq qoı”, “Ánuran men týǵa tımeńdershі”, – dep jazdy jelі qoldanýshylary.
Bolǵan jaǵadıǵa qatysty májіlіs depýtaty Abzal Quspan pіkіr bіldіrdі. Onyń aıtýynsha, sheteldіk ártіstіń іs-áreketі jan-jaqty tekserіledі.
“Óıtkenі bіzdіń memlekette rámіzderge qatysty tıіstі zań bar jáne ony saqtamaǵandarǵa jaýapkershіlіk kózdelgen. Sondyqtan bolǵan jaıtty quzyrly organdar nazarǵa alý qajet. Áýelі mýzykanttyń memlekettіk tý men ánurandy qoldaný kezіnde qorlaý belgіsіnіń bar-joǵyn anyqtap alǵan jón. Jalpy osy memlekettіk rámіzderdі qoldaný barysyn retteıtіn óz aldyna bólek materıaldyq zań negіzі joq. Bul depýtattarǵa qoıylatyn talap dep oılaımyn, bіrіnshі kezekte. Endі Úkіmet bіzge ondaı zań jobasyn usynǵan joq. Tıіsіnshe bul másele qazіr májіlіs qabyrǵasynda qaralyp jatyr”, – dedі Abzal Quspan.