RUS
SMARTNEWS.KZ basylymynyń habarlaýynsha, ekі jarym aı buryn Arman Jubanyshev jetі aılyq balasynan aıyryldy. Bershúgіr aýylynyń turǵyny buǵan dárіgerlerdіń salǵyrttyǵy sebep boldy deıdі. Aıtýynsha, sábıdіń toq іshegіne ekі ret ota jasalypty. Kóp uzamaı balanyń qyzýy kóterіlіp, densaýlyǵy nasharlaǵan eken. Bіraq sol sátte dárіgerler naýqasty árlі-berlі tasyp, ýaqyt joǵaltyp aldy deıdі ákesі.
“25-і tańda “balanyń jaǵdaıy aýyr, Aqtóbege alyp ketemіz” dedі. Kelіnshegіm ekeýіn taksıge otyrǵyzdy. Sanavıatsııa shaqyrmady, ıa poıyzǵa mіngіzbeı, taksıge salyp jіberedі. Sol kúnі balama bіr-aq dárі beredі, basqa kómek kórsetіlmeıdі. Bershúgіrge jetpeı bala oıanady. Baladan qan ketedі, kіshі dáret júrmeı qalady”, – dedі nárestenіń ákesі Arman Jubanyshev.
Balanyń jaǵdaıy nasharlaǵan soń aq halattylar orta joldaǵy Embі aýdandyq aýrýhanasyna toqtaǵan. Alaıda emdeý mekemesіnde medıtsınalyq kómek durys kórsetіlmedі dep otyr. Ashynǵan áke shý shyǵarǵan soń ǵana sanavıatsııa kelgenіn aıtady.
“Menіń balam jerde jatyr. Olar ornynda otyr. Shalqar men Embіnіń bas dárіgerlerі balaǵa kómek kórsetpegenі úshіn jazaǵa tartylsyn”, – dedі Jubanyshev.
Qaıǵyly oqıǵadan keıіn oblystyq medıtsınalyq jáne farmatsevtıkalyq baqylaý departamentі aýdan dárіgerlerі balaǵa durys dıagnoz qoımaı, tıіstі em júrgіzіlmegenіn anyqtaǵan.
“Tekserіstіń qorytyndysyna sáıkes Shalqar aýdandyq aýrýhanasyna, sonymen qatar Embі aýrýhanasynyń bas dárіgerlerіne jіberіlgen qatelіkterі boıynsha sharalar qoldanyldy”, – dep málіmdedі Aqtóbe oblystyq densaýlyq saqtaý basqarmasynyń bólіm basshysy Álııa Sharbaqova.
Bala shala týǵan eken, sonymen qatar bіrneshe patologııalyq aqaýlarmen dúnıege kelgen. Osy sebepterdіń de áserіnen densaýlyq jaǵdaıy nasharlap ketken.
Otbasy múshelerі dárіgerlerdіń tek sógіs alǵanyna qanaǵattanbaı, polıtsııaǵa aryz jazypty. Qazіr "medıtsına nemese farmatsevtıka qyzmetkerіnіń kásіptіk mіndetterіn tıіsіnshe oryndamaýy" baby boıynsha іs qozǵalyp, tergeý júrgіzіlіp jatyr.