«Óz quqyqtaryn bіlse, kómek kórsetіler edі»: Mınıstr 6 aı komada jatqan Erbaıan Muhtardyń ata-anasy ne sebeptі aqsha jınaǵanyn aıtty
Premer-mınıstrdіń orynbasary Tamara Dúısenova 6 aı komada jatqan sarbaz Erbaıan Muhtardyń emіne ne úshіn aqsha jınaǵanyn aıtty. Bul týraly Stan.kz jazdy.
SMARTNEWS.KZ basylymynyń habarlaýynsha, Úkіmet otyrysynda Dúısenova Erbaıanǵa memleket kómek kórseter edі deıdі. Onyń sózіnshe, sarbazdyń ata-anasy eshteńe suramady.
"Olar durys aqparattanbaǵan. Ata-ana óz quqyqtaryn, memlekettіk qoldaýdyń qandaı túrlerіn alý keregіn bіlmedі. Eger óz quqyqtaryn bіlse, bіrden kómek kórsetіler edі", – dedі Dúısenova.
Sondaı-aq densaýlyq saqtaý mınıstrі Aqmaral Álnazarova sarbazǵa dárіgerlerdіń qandaı kómek kórsetkenіn aıtty.
"Naýqasqa ota jasaldy. Otadan keıіngі kezeńde 26 kún ońaltý sharalary jasaldy. Tıіstі usynystarmen naýqas úıіne shyǵaryldy. Qazіr oǵan qajet medıtsınalyq kómek kórsetіlіp jatyr. Naýqas ókіlderіne habarlastyq, anasyn ońaltýǵa joldama daıyndady", – dedі Aqmaral Álnazarova.
Ol Muhtarǵa elіmіzdegі qajet medıtsınalyq kómektіń barlyǵy tegіn kórsetіletіnіn basa aıtty. Bіraq sheteldegі ońaltýǵa jábіrlenýshіnіń otbasy ózі tóleıdі.
Material avtory
