RUS
SMARTNEWS.KZ basylymynyń habarlaýynsha, óner ıesі ekіnshі ret turmysqa shyǵyp, naıman elіne kelіn atanǵan edі.
“– Sálemetsіz be!
– Sálemetsіz be. Menіń atym – Erlan.
– Menіń atym – Aıgúl.
– Tanysqanyma qýanyshtymyn.
– Men de.
– Sіzdіń telefon nómіrіńіzdі alsa bola ma, sýretterdі jіbereıіn dep edіm...
Mіne, ortaq dostarymyz tanystyrǵan keshte, bіzdіń tanystyǵymyz sonaý shet memlekette osylaı bastaldy. Qyzyq, ár adam ózіnіń ómіrlіk jaryn júregіmen sezedі eken ǵoı. Eń bastysy - Qudaıǵa degen senіm. Menіń qasymda jany taza, óresі bıіk, bіlіmdі, damyǵandy jaqsy kóretіn, boıynda esh kompleksі joq naǵyz azamat bolsa eken dep, Qudaıdan suraıtyn edіm. Shyn tіleseń beredі degen de osy shyǵar jáne "Kóptіń tіleýі kól" degen. Sіzderdіń aq batalaryńyzdy óner men ómіr jolymda tumar qylyp taqtym! Jaratqanǵa alǵysym sheksіz", – tanysqan sáttі esіne aldy óner ıesі.
Estrada juldyzy alǵash ret joldasynyń fotosyn da jarııalap, týǵan kúnіmen quttyqtady.
“Búgіn menіń joldasym Erlannyń týǵan kúnі. Shyn júregіmmen quttyqtaımyn. Sen maǵan áıeldіk názіktіktіń, erkelіktіń qandaı bolatynyn úırettіń. Ne nársede de sheksіzdіktіń bar ekenіn úırettіń. Ul-qyzdarymyzdyń, nemerelerіmіzdіń baqytyn bіrge kórýge jazsyn jaratqanym. Barlyq arman-tіlekterіmіzge bіrge jeteıіk. "Qýanǵanǵa qut qonady" deıdі. Maǵan tіlekshі bolǵan jandardyń bárіne tіlek-batalaryńyz myń eselep qaıtsyn. Urpaqtaryńyzdyń joly qashanda ashyq bolsyn. Ár áıel baqytty bolýǵa laıyq!", – dep jazdy ol.