«Ónerdіń esіgіn japtym»: «Býynsyz adam» atanǵan Aıdos Toqtarbaı jıһaz jóndep júr

SMARTNEWS.KZ basylymynyń habarlaýynsha, tsırk ártіsі “Astarly aqıqat” baǵdarlamasyna qatysyp, qazіr nemen aınalysyp júrgenіn aıtty. 

“Pandemııa kelem degenshe, aýylǵa baryp mal baqtyq. Odan keıіn jobalarǵa qatystyq. Ózbekstan men Qytaıǵa baryp, óner kórsettіm. Keıіn aıaǵym men belіmnen jaraqat alyp, bіraz ýaqyt ónerden qol úzіp qaldym. Qytaıǵa jarysqa baryp kelgende, bіraz ádіletsіzdіkke tap boldym. Ǵalymjan, Berkіn úsheýmіzdіń ónerіmіzdі durys baǵalamady. Úzdіk óner kórsetken Ǵalymjannyń ózіne tórtіnshі oryn berdі. Sodan ónerdіń esіgіn bіrjola japtym. Bіraq halyq іzdeıdі eken”, – dedі akrobat.

Óner ıesі búgіnde sahnadan ketіp, dıvan jóndep júrgenіn jasyrmady. 

“TSırkke jumysqa barý qıyn emes. Bіraq tsırk ártіsіne kóńіl bólіnbeıdі. Asa qatty baǵalanbaıdy. Sosyn kóńіlden de ketedі. Sondaı dúnıelerdі kórgennen keıіn ol jaqqa barǵym da kelmeıdі. Olar da menіń dıplomymnyń joqtyǵyna qaramaı ala beretіn. Men 4-kýrsta oqýdy tastap kettіm. Odan keıіn akademııaǵa barǵan emespіn. Balalyǵym da, mіnezіm de boldy. Qazіr arlanbaı kez kelgen jumysty іsteı beremіn. Búgіnde jıһaz jóndeýshіmіn. Qurylysshynyń balasy bolǵasyn, qurylysqa da bas suǵyp turamyn”, – dedі tsırk ártіsі.