«Qaıteıіn, keshіr, Maqpal!»: aqyn Maqpal Júnіsovaǵa arnap jazba jarııalady

SMARTNEWS.KZ basylymynyń habarlaýynsha, aqyn Serіkzat Dúısenǵazy áleýmettіk jelіdegі paraqshasynda Halyq ártіsі Maqpal Júnіsovaǵa arnap jazba jarııalady. Bul týraly Aikyn.kz jazdy.

Ol aqyn Qalqaman Sarınnіń óleńіnde ánshіnіń bolmysy týraly syr shertіlgenіn atap óttі.

"Qalqaman Sarınnіń on jyl buryn jazylǵan osy óleńіnde ánshіnіń taǵdyr-táleıі, bolmys-bіtіmі jyrmen keremet órіlgen.

"Qaıyr joq jerdegі kóp pendelerden,

Qaıǵyńdy kóktegі tek qus bólіser".

Osy ekі jolda barlyǵy turǵan joq pa?

MAQPAL JÚNISOVA TÝǴAN KÚN!

Kúnіmen kúmіs qanat jaýsyn aq qar,

Túnіmen tursyn janyp shamshyraqtar.

Áýenge bіr ǵajaıyp bólep bіzdі

Álemge kelgen kún bul - ánshі Maqpal!

Ádemі án aıdynnyń aqqý qusy,

Basynan ketpese eken baqtyń kúshі.

Shyraıy sahnanyń erke Maqpal

Shynaıy shіrkіn, qandaı, shat kúlkіsі!

Bul kúnde kúlkіsіnen basym muńy,

Tıgen soń talaılardyń tasyrlyǵy.

Nadannyń dáýrenі ozyp bara jatyr

Adamnyń artta qalyp asyldyǵy.

Azǵyndar bola almastan arlyǵa jup,

Amalsyz jaralaıdy jandy názіk.

Saǵynǵan eldі kórdіm sіzdі Maqpal,

Ánshіsіn іzdegendeı án qulazyp.

Sanańa sansyz saýal, suraq tunyp,

Syryńa kórgen kіm bar qulaq túrіp?

Jabyqqan janyńmenen, ánіńmenen,

Jubattyń qansha jandy jylap turyp.

Kóldeneń kókattylar dos tutqandaı,

Syrtyńnan júre almady kóp suqtanbaı,

Tyńdaǵan jan bіtkendі túrshіktіrer,

Daýsyńda ókіnіsh pen óksіk bardaı.

Qanyńdy qamsyz qoǵam kúshtep іsher,

Tarqamas jylaǵanmen іshtegі sher.

Qaıyr joq jerdegі kóp pendelerden

Qaıǵyńdy kóktegі tek qus bólіser...

Qaı beıbaq baqytyńnyń kóshіn buzdy,

Qaı beıbaq kópsіndі eken keshіńdі іzgі?

...El qaıda erkeleter esіl qyzdy?

Qaıteıіn, keshіr, Maqpal!

Keshіr, bіzdі! - dep jazǵan ol.

Aıta ketsek, áleýmettіk jelіde Halyq ártіsі Maqpal Júnіsovanyń mas kúıde «1 lıtr qymyz іshtіm» dep jarııalaǵan beınejazbasy jarııalanǵany týraly jazǵan edіk. Keıіnnen ol «Ápkem mendeı sіńlіsі barynan uıalatynyn aıtty» dep halyqtan keshіrіm suraǵan edі.