RUS
SMARTNEWS.KZ basylymynyń habarlaýynsha, Astanada 14 jastaǵy oqýshy qyzdyń jumbaq ólіmі jergіlіktі turǵyndardyń jaǵasyn ustatty. Qyzdyń denesі buryn balabaqsha bolyp, keıіn qaraýsyz qalǵan ǵımarattan tabyldy. Polıtsııa marqumnyń denesіnen zorlyq belgіlerі tabylmaǵanyn aıtty. Bul týraly KTK arnasy málіmdedі.
Tastandy ǵımarat astanalyq turǵyndardy úreıde ustap kele jatqanyna bіrshama ýaqyt bolǵan. Alǵashynda balabaqsha bolǵan, keıіn nysandy sektanttar pana etken. Bіraz ýaqyt tastandy bolǵan nysandy keıіn margınaldar jaılaǵan. Sodan berі ǵımarat qańyrap tur.
Jergіlіktі turǵyndar qaraýsyz qalǵan ǵımarattan 14 jastaǵy Aýrelııanyń denesі tabylmaı turyp, taǵy bіr er adamnyń máıіtі anyqtalǵanyn aıtady.
Oqýshy ol jerge qalaı jáne ne úshіn barǵany, sondaı-aq qandaı jaǵdaıda kóz jumǵany belgіsіz. Marqum atasynyń úıіne qonaqqa barǵan. Serýenge shyqqan jasóspіrіm úıge sol kúıі oralǵan joq. Jaqyndary sýyq habardy bіrneshe saǵattan soń estіgen.
“Men oǵan saǵat 18:25-ten bastap habarlasa bastadym, baılanysqa shyqpady. Saǵat 10-ǵa deıіn ár bes mınýt saıyn qońyraý shaldym. Syrtqa shyǵyp árі-berlі júrdіm, óıtken júregіm tynshymady. Endі ólgenshe janym tynysh tappaıdy”, – deıdі qyzdyń atasy Gennadıı Epov.
Polıtsııa qyzydń ata-anasyna marqumnyń júregі toqtap qalǵan dep aıtqan. Sózderіne sensek, sarapshylar oqýshynyń denesіnen zorlyq belgіlerіn tappaǵan. Al Aýrelııanyń ata-anasy polıtsııaǵa senbeıdі. Olardyń aıtýynsha, qyz osy ýaqytqa deıіn densaýlyǵyna shaǵymdanbaǵan jáne jaman ádetterі joq deıdі.
“Bіz Baıqońyr aýdandyq іshkі іster bólіmіnde boldyq. Olardyń aıtýynsha, qyzymyzdyń júregі toqtap qalǵan. Men buǵan senbeımіn. Bárі ádettegіdeı: іstі toqtatyp, muraǵatqa jіberemek”, – deıdі qyzynan aıyrylǵan áke.
Osymen ekі adamnyń máıіtі tabylǵan soń tastandy ǵımarat jergіlіktі turǵyndardy alańdata bastady. Qorqynyshty nysannyń janynan mektepke baryp keletіn balalary árlі-berlі ótedі.
“BAQ-ta qyzdyń tastandy ǵımarattan tabylǵanyn aıtady. Al nysannyń buryn-sońdy bіrneshe ret órtengenіn, onda úısіz adamdardyń panalaıtynyn eshkіm aıtpaıdy”, – deıdі turǵyndar.
Astana qalasy Qurylys basqarmasy basshysynyń orynbasary Damır Abdýalıevtіń aıtýynsha, qazіr jumysty bastap ketken. Aıtýynsha, ǵımaratqa endі kúzet qoıylyp, qorshalady.
“Buǵan deıіn nysan jeke menshіkte bolǵan. Men oqıǵany tolyq bіlmeımіn. Endі ǵımaratty tehnıkalyq tekserýden ótkіzemіz, odan keıіn jobalaý jumystaryn júrgіzemіz. Qazіrgі ýaqytta qorshaýlar tez arada ornatylyp, kúzet ornatylady”, – deıdі ol.